منتديات تراتيل شاعر - ايه احبك يا كثر ما انطقوها العاشقين بس ما هي مثل نطقك

منتديات تراتيل شاعر (http://tra-sh.com/vb/index.php)

- هذيان الروح ▪● (http://tra-sh.com/vb/forumdisplay.php?f=7)

ايه احبك يا كثر ما انطقوها العاشقين بس ما هي مثل نطقك

.
.
ايه احبك

آآآه ليت الحب كافي

ما على الله شي خافي

يومي : أنثر دمعتي بيديك .. وأسكت !

م انكسرت إلا.. لاني :

شفت نور الوقت طافي .

ايه احبك

كلمه .. ماتت في شفاتي من سنين

كلمه .. خلّت هالزمن قاسي

.. و .. عظامي تبين

كلمه .. لامنّي نطقته :

يقطع الكون بصداها لساني

وآتنهد أنين ..!

لاني توي بس أحسّه

لاني ما ظنّيت الاقي حب

يملاني حنين ..

يا كثر ما شفت ..

في وقتي تناقض

لا بحثنا عن نهايات الحقايق

لا رمينا للوعد .. ضحكه .. و .. رجفه

والتمسنا من الشوارع .. طول وقفه

والمدى حدّه دقايق ..!

صرت اسولف للشجر

لأوراقه اللّي طايحه

للسحايب

للبراد اللي شكى قل الهبايب

للعطور

اللي بجسمك فايحه

صرت اسولف للسوالف

لين ما ينام الفجر ..

صرت أحس من العشق إني انتهيت

كثر ماني في وسط قلبك صحيت

من 8 شهور ..

وانت تحس فيني

بس انا ما كنت ادري

انك على عشقي حييت

والغريب :

إني قبل ل أدري بحبك

كنت أحبك

رغم إنك ما انخلقتي في حياتي

بس احس إنّك قريبه

ماخذه أغلب صفاتي

حتى نطقك للحروف

حتى آهاتك .. و .. فرحك

يمكن أصدق مني شوف

لا نطق .. جرحي .. و .. جرحك !

ايه احبك

يا كثر ما انطقوها العاشقين

بس ما هي مثل نطقك

له طعم .. و .. إحساس ثاني

من شفاتك ياااهي أحلى

كنّها نشوة تفاصيل و أغاني

ابعد من العقل

اقرب للجنون

ارتب من الثقل

يعبث ب الظنون

شي أكبر من الخرافه

معنى أوسع للطافه

كل اسرار الرياض تشيع منها

وأوقف التمسك .. يقين

آآآتنفس فيك : حبّك

لاني توّي بس احسّه

لاني ما ظنيت الآقي

حب :

بعيوني .. يبين ..!