منتديات تراتيل شاعر - أهواك أحبـك أعشقـك ما أخونـك

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - أهواك أحبـك أعشقـك ما أخونـك (http://tra-sh.com/vb/showthread.php?t=55631)

أهواك أحبـك أعشقـك ما أخونـك

يفـداك قلبي و التعب والمسافــه
دام آخـر المشـوار شوفة عيونــك

و يفـداك عمر ضـاع كله حسافــه
على الزمان اللي قضيته بدونك

جيتـك بقايــا حب هذا إعترافــه
أهـواك احبك اعشقك ما أخونـك

يعني أحبـك حب أسمه خرافــه
لطروا أساطيـر الهوى يذكرونـك

و لـو خفوقـي كتاب تقرا غلافــه
قسـم قسم بالله أعشـق جنونــك

جيتك على رغم الزمن و اختلافه
كل الطـرق عندي توصل جفونـك

مليت من شـح الغـرام و جفافـه
ضميان حب و بارتوي من مزونك

قليِّ أحبــك خــل عنــك الكلافـه
ريــح ظنونــي ريَّح الله ظنونــك

يا منـى قلبـي و الحـلا و اللطافـه
كل المشاعـر في خفوقـي يبونـــك

خلص كلامـي بس عنـدي إضافـه
أهواك أحبـك أعشقـك ما أخونـك