منتديات تراتيل شاعر - طرّف الليل والأشواق حرّاقه

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - طرّف الليل والأشواق حرّاقه (http://tra-sh.com/vb/showthread.php?t=49496)

طرّف الليل والأشواق حرّاقه

http://gibsy.g.i.pic.centerblog.net/8a924db1.gifhttp://e.top4top.net/p_24578q1.jpg

طرّف الليل والأشواق حرّاقه
والمواعيد ملّت من تحرّيها
كل ماوايقت عيني مع الطاقه !!
تلمح وجيه تبغاني .. ولا أبيها
مالها لا جمل عندي ولاناقه
كل عينٍ تلد لعين غاليها
ماثنى عرق صدري فوق خفّاقه
غير مهرة عقيدٍ عند راعيها
بنت قومٍ على الوقفات سبّاقه
تعرف فعولها .. قدام أساميها
الطواري تمر ابها على فاقه
حي طاري الغرام !! وحي طاريها
بعد غيبة شهر للوصل مشتاقه
كابرت لين جاب الشوق تاليها
أقبلت للقاء والعشق توّاقه
كل غصن إيتثنى من تثنيها
خلّت أطول ظفايرها على الساقه
كنّها الصبح والليل امتقفّيها
غيمةٍ من حقوق الوسم منساقه
دكّها البرق .. وأشتبت مثانيها
أستباحت حشاي !! وقدّت ارواقه
وأمطرت في ضلوعي .. عز واليها
قالت : البعد هزّ الغصن واوراقه
قلت : حبلٍ خذا الدلو بعراويها
أعطي الطير حريته ومسباقه
ودّه يصيدها .. والاّ يخاويها
لكن ( الورده الحمراء ) من الباقه
أخذي العمر يفداك .. وعطينيها !!

[/IMG]