منتديات تراتيل شاعر - لاتطلب المشتاق توصيف شوقه..!

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - لاتطلب المشتاق توصيف شوقه..! (http://tra-sh.com/vb/showthread.php?t=49407)

لاتطلب المشتاق توصيف شوقه..!

http://store1.up-00.com/2015-10/1445483554894.png
لاتطلب المشتاق توصيف شوقه
يمكن يروح الليل في وصف الأشواق

يسوقني شوقي لصوتك وأسوقه
ماغير صوتك يشرح الصدر لاضاق

مثل العسل صوتك دواء من يذوقه
يطفي لواهيب الحنايا والأعماق

غبت وشعوري انثره ثم احوقه
ماهو جفى لكن رجاء لحظة إعناق

في ذمتي قلبي تزايد حروقه
ياما احتمل ياما احتمل مير ماطاق

كنك وكني دم داخل عروقه
الدم كنك وأما أنا عرق عشاق

لك فيني أكثر من مشاعر صدوقه
أعيشها لو بين نفسي والأوراق

ايه احبــك لو تبغى خفايا خفوقه
شف نزف حرفه كلما غبت واشتاق

يغرب حنانك وأتحرى شروقه
دامي وعدتك بانتظر لين الإشراق

قلبي بحبك يطلب ابسط حقوقه
لا قال خذني ضمني زدني إشفاق

لا يابعد من عذب الدمع موقه
للموت أحبك لو بحبي لك إرهاق

ممآآرآآق لي.؛
http://store1.up-00.com/2015-10/1445483554894.png