منتديات تراتيل شاعر - طول غيابك ماعرفنا خفاياك

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - طول غيابك ماعرفنا خفاياك (http://tra-sh.com/vb/showthread.php?t=48752)

طول غيابك ماعرفنا خفاياك

https://fbcdn-sphotos-e-a.akamaihd.n...a6f488d1806593

طول غيابك ماعرفنا خفاياك
نوب تروح ونوب ترجع تبينا

الهاجس اللي هزني يوم فرقاك
ماهز قلـبك يوم حنا انتهينا

عذبتني ياقاسي القلب وياك
حبك شقايه والجفا مبتلينا

وش فايدة قلب يحبك ويهواك
لاصار قلـبك قاسي مايلينا

ياما سهرت الليل مع طيف ذكراك
احس في طيفك يروح ويجينا

ارسم خيالك فوق طلت محياك
شمس الصباح اللي علينا تبينا

اشفق على قربك وشوفك ولقياك
واذكر مكانك يوم حنا التقينا

حتى مكانك كاتبن فيه ذكراك
ياما ضحكنا فيه وياما بكينا

واليوم راجع تعترف في خطاياك
ليه الهجر مدام حنا وفينا

ضاعت حياتي بين صدك ورجواك
وضاعت حياتك يوم راحت علينا

مثل الغريق اللي على حوض الادراك
حنا غرقنا بالهوى مانجينا

هذي سواتك من يسوي سواياك
ياخاين العشره ترانا سلينا

خلاص هانت كلها ايام وانساك
حبن جديد غير حبك لقينا

مات الخفوق اللي يهوجس بطرياك
مرحوم ياحبن توفى حزينا

وطول غيابك ماعرفنا خفاياك
نوب تروح ونوب ترجع تبينا

http://img-fotki.yandex.ru/get/6441/...29e90ef_XL.png