منتديات تراتيل شاعر - يثيرني صوتك الهادي ويغريني

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - يثيرني صوتك الهادي ويغريني (http://tra-sh.com/vb/showthread.php?t=48074)

يثيرني صوتك الهادي ويغريني

http://forum.mn66.com/imgcache2/807675.gif

يثيرني صوتك الهادي ويغريني
أهيم وأرحل وأسافر في مساحاته

يجتاح قلبي ويسري في شراييني
وينسى خفوقي على صوتك معاناته

تدري حبيبي ترى صوتك يدفيني
زعلان راضي يدفي بكل حالاته

سولف وضيع معك أجمل عناويني
مافيه غيرك عسل حرفه على شفاته

يهدمني الصوت كل مره ويبنيني
ويعيش عمري قبل تشرف نهاياته

في الحب كلي معك سلمتك يديني
وأنا الهوى دارسه وأفهم بلهجاته

فداك روحي وعلى كيفك توديني
ماأقول دربك حبيبي وين وجهاته

خذني من الليل بأحضانك وداريني
بتظاهر الخوف من ليلي وعتماته

أهتم فيني بعد عمري وغطيني
الناس ماتدري عن العاشق ونياته

بين الغزل والوله والشوق خبيني
عن التعب والسهر والجرح واهاته

العذر واضح ولو ماعاد يمديني
تشفع براءة طفل عظيم غلطاته

وأن حس قلبي حنانك إلتفت فيني
وتشوف واحد كلامه وسط نظراته

أحكي لك الحزن والحرمان وسنيني
وبتعيش غربة مسافر من بداياته

تلقى الفقر مع جحود الوقت حاديني
على السفر والشقا همه وغاياته

ياخذني الهم وفي النسيان يرميني
يعني مصيره أسيره حسب رغباته

حتى الشعر أكتبه والحرف يبكيني
يصور ظروف شاعر ضاع في ذاته

ركز بضحكة شفاتي وناظر بعيني
وجهي يلحف شقا عمري بضحكاته

ياليتني كنت أعرفك قبل تأتيني
ماكان عمري تعب من كثر زلاته

أحساس روحك من جروحي يداويني
يا أجمل عطايا الزمن وآخر محطاته

أحلف لي أن ضاق صدري ماتخليني
وأنا خفوقي معك تربح خساراته

منال عمري وجودك جنبي يكفيني
أبيع نفسي لجل ليلك ونجماته

أهواك أحبك وكلك حيل تغريني
من طيب قلبك إلى صوتك وهمساته

http://file1.npage.de/009039/81/bild...enlichkeit.jpg