منتديات تراتيل شاعر - تدري هالليلة طويلة..وإحتياجي لك عذاب

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - تدري هالليلة طويلة..وإحتياجي لك عذاب (http://tra-sh.com/vb/showthread.php?t=47896)

تدري هالليلة طويلة..وإحتياجي لك عذاب

https://lh6.googleusercontent.com/-p...c67a4add6f.jpg
كانت الليلة كئيبة ..والقهر محتاج باب ,
كانت العتمة مُريبة.. والضّيا همسه خفيف ,

زحمة من حولي تناثر.. بينهم شفتك سراب ,
كلما ألهي بصدّي..هبّت الذكرى خريف !

أسمعك تنده [ تعالي ]نبتر اطراف الغياب ,
وضعنا صاير رمادي ..يشبه اوقات الرصيف!

وأشعر بدافي حنينك ..يشعل بقلبي عتاب ,
ذوّب أطرافي بـ [ وينك ! ] هالشّتا برده مُخيف ,

عامٍ أقفى من بعادك , صمت.. دمعة.. واغتراب
تاهت أحلامي بـقُربك.. ليتني ألقاك ضيف !

المباني لك تنادي : لفّها حزنك ضباب !
هو متى ترجع دخيلك..؟! حالنا دونك كسيف !

الأغاني : صارت أقسى, والأماني : شمع ..ذاب ,
والفَقِدْ إني أشوفك ! .. بس كيف أُوصلك كيف !

تدري هالليلة طويلة..وإحتياجي لك عذاب
ماناديت [ عجّل ] رددت ظلماي : طيف