منتديات تراتيل شاعر - يا حلمي السهل الصعب....!

منتديات تراتيل شاعر (http://tra-sh.com/vb/index.php)

- هذيان الروح ▪● (http://tra-sh.com/vb/forumdisplay.php?f=7)

- - يا حلمي السهل الصعب....! (http://tra-sh.com/vb/showthread.php?t=44366)

يا حلمي السهل الصعب....!

**

مثل البحر ..
ماضاق من بوح وعتب !
صدري بحر !
وطعونك بصدري عتب
وفراقنا ماهو سؤال تجاوبه !

إنت السبب !!

يا عمري السهل الصعب .
يا الحلم الأول والأخير
الله معك !
وخفوقك الميت معك ..
وقصيدي الصادق معك ..
والذكريات اللي إجمعتنا
والسنين الماضية
راحت معك !!

وإنت الخضار
بانت لك عيوني ندى ..
وحجاجك بداية عمر ..
وقذلتك ظلمى ونور خدودك حكاية نهار !

إنت السبب ..
يوم الشعر ينحاز للحزن ويصيح
من الوجع !
كنت أسألك :
من يرحم الشعر ويروف بشاعر ٍ ذاق الوجع ؟
وتقول : يا شاعر بكل الناس ..
إرحم حالتك !

ما حس فيك الناس والدمعة تدلى مثل عنقود العنب !
حزن وعتب ..
والناس تضحك في وجيه الناس
من صدق وكذب

ليه العتب
وإنت الوحيد اللي يشيل هموم كل الناس طيب ..
إنت الحبيب ..
اللي رضا يفرش طريقي ورد
لين أمشي وأغيب ..

جايز تشوف إني حبيب
بس الغريب ..
إنك نسيت إن الزمن ظالم
وهالدنيا تدور ..

أنا الحبيب
وأنا اللي أهديتك من عذوق العمر أكبر نصيب
وأنا اللي أغرقت الوجيه العابسة ضحك وسرور
أنا الغيور ..

وأنا رضيت أفرش طريقك ورد ..
وإنت اللي بتغيب ..
وأنا الوحيد اللي بيبقى طول عمر الحب
وإحساسه ذهب !
وكل الحنين اللي بصدره عاش
هالمره ذهب ..

وإنت السبب .
يا حلمي السهل الصعب
يا العمر الأول والأخير ..

الله معك ..
وقصيدي الصادق معك !
والذكريات اللي جمعتنا ..
والسنين الماضية

خذها معك !