منتديات تراتيل شاعر - ماتستمع قلبي ونبضه يناديك

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - ماتستمع قلبي ونبضه يناديك (http://tra-sh.com/vb/showthread.php?t=44126)

ماتستمع قلبي ونبضه يناديك

مافيه غيرك لا ولاحدن يساويك
انت الوحيد اللي ملكني بحياتي

زين العرب يبطي ولا انه يضاهيك
وابطي انا ماجبت وصف الغلاتي

يا شاغلن فكري بزينك وطاريك
انت الامل في دنيتي وامنياتي

لا تحسب اني ياهوى البال ناسيك
هليت انا لجلك غزير اعبراتي

واليوم انا روحي ترى بين اياديك
ارحم عيونن ماتعرف المباتي

ماتستمع قلبي ونبضه يناديك
الحق عليه قبل يفوت الفواتي

بكون انا وياك وبالعمر بفديك
ارخصت روحي فدوتن ياغناتي

ان كانها بالحلف والله شاريك
ومافيه مثلك كاملن بصفاتي

ابسألك بالله وشلون اخليك
يابوالدلع يابو الغنج والحلاتي

اغار من اهلك ومنهو يخاويك
كل الليالي جالسن بس احاتي

ابيك لي وحدي ولا غيري يغليك
بتقول اناني ؟ اشهد انها صفاتي

اموت انا كلي بطبع انخلق فيك
ياداعج العينين انت المناتي

يصعب على الخفاق ساعه يجافيك
محدن عشق بالحب مثلي وسواتي

عساك ماتلقى عدون يعاديك
ادعي عسى الله يحرسك في صلاتي

عزالله اني دايم الدوم مغليك
ياروح روحي اشهد انك مناتي