منتديات تراتيل شاعر - موت القلب ولاموت الكرامة~

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - موت القلب ولاموت الكرامة~ (http://tra-sh.com/vb/showthread.php?t=43585)

موت القلب ولاموت الكرامة~

موت القلب ولاموت الكرامة

ياهاتفي حرّمت أنا بعض الارقام
ما أدقها فـي شاشتـك للقـيامـه

أرقام ناسٍ قدرها تحت الارقام
ما أظن يلحقنــي وراها ملامـه

أحكم عليها فالغلا حكم الاعدام
من شــان كلٍ يتضح له مقامـــه

والا انت ياللي صار لك عدة أيام
أشوف في عينك دمــوع وندامه

خلك على هرج القفا تبني أحلام
لاخيــر فاللـي ماينـفذ كلامــــــه

غــرّوك نــاسٍ هرجهم دوم هدّام
أهل القلوب السود وأهل النمامه

خلّوك تنسى صاحبك يا بن الاكرام
عقــب ثـلاث سنين تنسى غرامـــه

خليتني عايش على هم وأوهام
وحرمت جفني من لذايذ منامـــه

طاوعت فيني هرج عاذل ونمام
واليوم أشوفك تايهٍ فالغمامــــه

لاشفتني صديت مع مر الايـام
لاتقول قلبك يا ساحر وش علامه

اليوم قلبي مات ياترف الاقدام
موت القلوب ولاتموت الكــرامه

خلاص قدرك طاح من عيني العام
رميت قدرك مثل رمـي العمامــــه

مابا تراضينـــي والايــــام قدام