منتديات تراتيل شاعر - يغار السحاب لـ ماجد الديحاني~

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - يغار السحاب لـ ماجد الديحاني~ (http://tra-sh.com/vb/showthread.php?t=43177)

يغار السحاب لـ ماجد الديحاني~

رسمت الغياب المر يا المترف المملوح !
وأنا العاشق اللي ما سلك سكّة غيابك. .

أحاول أحايل كسرة الخاطر المفضوح
بحبك القصيد العاشق ( بغربة عتابك ) !

يغرّد على غصن الأماني , حمام الدّوح
ويطبع حبر شوقي على صفحة كتابك !!

حبيبي تأكّد بن غرامك عمار صروح. .
وتأكّد غيابك , يهدم آمال منصابك !

تبسّم وخل الفجر من ( وجنتيك ) يلوح !
تمايل وخل الليل. . يسهر ويغتابك !

يغار السّحاب/ البارق/ الممطر/ المشفوح !
لـ شاف الدموع تطل من ( شرفه اهدابك ) !

يخالط ( شهد صمتك ) نغم صوتك المبحوح !
مع كـل معـزوفة غرام أتّغـنابـك . . !

مشاعر خفوقي ( مملكة ) شيكها مفتوح !
محصّـل فوايدها رسا داخل حـسابك . .

سليتك دقايق , وانتعش قلبي المجروح
وذكرتك ومزن الشوق مستاحش ترابك !

نوى يزرع بجسم المكابر حياه وروح !
على شان ما تقسى والاحساس ينتابك . .

(طيور الغلا ) لو غرّدت مالها مصلوح !
سوى انك تجاملها وتفـتحلها بابك . .

مع كل منبع ود , منه العطور تفوح !
تمنّيت لو عطر الوفا فاح بثـيابك . .

ما همك سوا تسرق عروق الحشا وتروح . .!
وانا كل همّي يا الغضي أسرق اعجابك !!