منتديات تراتيل شاعر - لا تعتب على قلبن صرخ من داخل اضلاعي

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - لا تعتب على قلبن صرخ من داخل اضلاعي (http://tra-sh.com/vb/showthread.php?t=40435)

لا تعتب على قلبن صرخ من داخل اضلاعي

http://up.ta7a.net/uploads/1450950099211.jpg

على طاري سواليف المطر والبدو والراعي
على طاري صباح الخير والبرد وميادينك
على طاري سنين البعد والفرقى ومرباعي
سنينك كيف تقضيها وش مسوي مع سنينك
تذكر يوم قلت ان الفراق بيلوي ذراعي
وانا طمنتك وقلت انتلاقي في عناوينك
تفارقنا وتلاقينا سعينا والهوى ساعي
وما خليت لي شي استبيحك فيه وادنيك
لا تحكي لي عن اوجاعك ولا بحكي عن اوجاعي
لا تسالني عن غيابي وانا ما قلت لك وينك
ترى اوضاعك هي اوضاعك واوضاعي هي اوضاعي
مدام قلوبنا وحدة بتذكرني شرايينك
واذا ودعتك ورحت بطريقي تعرف اطباعي
اكيد بتلتقي بعد الفراق ايدي مع يدينك
فلا تعتب على قلبن صرخ من داخل اضلاعي
ولا تشره على عيني تراها بيني وبينك
على كثر الدموع اللي اذرفت عينك على وداعي
تحير الدمعة بعيني وتدعي ربي يعينك
انا ببكي على فراقك ولكن ما لها داعي
اخاف ان طاحت دموعي تطيح الناس من عينك