منتديات تراتيل شاعر - غاب ضوّ الشمس و إزداد الظلام

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - غاب ضوّ الشمس و إزداد الظلام (http://tra-sh.com/vb/showthread.php?t=39630)

غاب ضوّ الشمس و إزداد الظلام

http://www.tra-sh.com/up/uploads/1450156092041.jpg

غاب ضوّ الشمس و إزداد الظلام
و كل شمعه بالشوارع .. طافيه ..

إستعرت الصمت من فـّم الكلام
الحروف أحيان : ماهي كافيه ..

خطوتي صارت على حد الحُسام
من غدت كل الأماني : حافيه

طفلة الما .. ذبلت أوراق الغرام
بعد ما كانت علينا .. ضافيه ..

الجفا ما كان لي برد و سلام
حيييل مشتاق المطر يا جافيه ..

ألف مرّه قلت لك : بُعدك حرام
كيف أدفـا بلا كفوفٍ دافيه !

في غيابك كانت الفرحه حطام
و كانت إيدين المواجع وافيه ..

ردي لـ صبحي تغاريد الحمام
حاولي بشتّى الدروب الخافيه

و رتّبي لي دمعتين ..بلا ملام
ودي أبكيك بـ ليالي لافيه ..

أو خذيني للبعيييييد من الغمام
الرحيل أحيان : ديره شافيه !

ودّي أرحل ما يناسبني الزحام
و أسكن أنفاس الغيوم الصافيه ..

عمر هذا الحزن فيني ما ينام
و فرحتي نامت منام العافيه ..

طفلة الما / مالت غصون الكلام
و الحروف حلول : ماهي كافيه !

ما يموت الشعر في صدري مدام
غيبتك وزن و حضورك قافيه