منتديات تراتيل شاعر - الا يالله طلبتـك يــا إلـهـي

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - الا يالله طلبتـك يــا إلـهـي (http://tra-sh.com/vb/showthread.php?t=35309)

الا يالله طلبتـك يــا إلـهـي

الا يالله طلبتـك يــا إلـهـي و انـتـه المطـلـوب
تفـرج همـي اللـي مـن سنيـن طـوال عانيـتـه

ملازمني سواة الظل وأقرب مـن زرار الثـوب
مـع انــه لــو يضايقـنـي زرار الـثـوب فكيـتـه

تحاصرني هواجيسي وتاخذني وانا مغصـوب
تسافر بي من المجلـس وكنـي ميـر مـا جيتـه

تدور السالفة عندي وقلبي فـي سفـر ودروب
ولا عـدت وأنــا مـثـل الــذي نـايـم وصحيـتـه

تدور الدلة الصفرا ونفسي تشتهي المشـروب
ولا صبـوا لـي الفنـجـال يـبـرد مــا تقهويـتـه

ألا يا من بإحسانك رجع يوسف على يعقـوب
ويونس وسط جوف الحوت نـادى ثـم نجيتـه

تساعدني علـى الدنيـا وترزقنـي صبـر أيـوب
وتحـسـن خاتمتـنـا فــي نـهـار حــق توقيـتـه

وتغفر لي ذنوبي وانت عالم وش علي ذنوب
ولكـن بـابـك أوســع لــي وغفـرانـك ترجيـتـه

وبابك ما يرد اللـي نـوى بعـد الضـلال يتـوب
ولا أحـد يـا كريـم الوجـه جـاء تايـب ورديتـه

وأنا مذنب وأنا تايب وأنا خايف وأنا مرعوب
ولك وحدك جبيني فـي تـراب الأرض حطيتـه