منتديات تراتيل شاعر - ( الحكايه الاولى ) من حكايات الخطابة ام مشلح

منتديات تراتيل شاعر (http://tra-sh.com/vb/index.php)

- وسع صدرك وخليها وعليها ▪● (http://tra-sh.com/vb/forumdisplay.php?f=9)

( الحكايه الاولى ) من حكايات الخطابة ام مشلح

http://www.tra-sh.com/up/uploads/1444714692761.gif

بسم الله الرحمن الرحيم

اسعد الله اوقاتكم

في يوم من الأيام وانا جالسه مع أبو مشلح اتقهوى وكان ماعندي شغل

وجوالي في غرفتي ما نتبهت انه يدق

واذا بوليدي الخبل مشلح جاني طاير يقول لي يمه جوالك ازعجنا يدق من زمان

وهذا جوال خاص لطلبات الزبائن

وانا ماخذا طلبات اذا كنت مع ابو مشلح فى العاده احطه سايلنت علشان محد يزعجني

متفرغه للحب ابو العيال ههههههه ( يعني رومانسيه )

المهم ماطول عليكم السالفه

رديت على الاتصال واذا ام هارون خطابه من جدة وأول مره تتصل على

دخلت فى الموضوع على طول

تقول لى ان عندها عريس من جده يبي يتزوج واحده من الإحساء

وما عنده شروط قابل في اي بنت

قلت لها خير ان شاء الله

قالت لى هو مستعجل ولا عنده وقت كثير

قلت لها أعطيني مواصفاته ومعلومات عنه

قالت برسل لك صورته فى الواتس

بعدها ام هارون أرسلت لى الصورة والمعلومات

ياوووويل حالى ياجماعه

الرجل طلع شاب مزززيون بشكل ماتتوقعون

سبحان الله كانه امير

والمواصفات كلها مغريه

انا بصرحه رحت ملح

كنت بفكر اخلع ابو مشلح واتزوجه هههههه

المهم بعد تفكير قلت هاالرجل مايطير من بنتى شعفه

وبنتي عنيده رافضه تتزوج عن طريقي لكن

علشان هل المزيون انا برغمها على الزواج

كلمت ام هارون قلت طلبك تم وعندي العروسه

بس ماقلت لها بنتي علشان ماتطمع فيني

خليه يتواصل معي

المهم

كلماني يا جماعه الخير وش الصوت اللى سمعته

شاعر يا جماعه شاعر هرج ومنطوق غير عن الناس

انا طايره بالرجل ومستعجلة قلت له يلا تعال الإحساء علشان نتفق

هو قال انا مشغول بارسل لك احد من طرفي يتفاهم معكم

الرجل عطاني ثقه وقلت حياكم فى اي وقت

وحددنا الموعد واتفقت معه على جميع الامور

الرجل بيدفع مهر مغري وشبكه الالماس

وشهر عسل و زواج فى اكبر القاعات وهدايا وحركات

شي خيال الرجل شاري البنت من قبل مايشوفها

طبعنا ابو مشلح وبنتي شعفه ماعندهم خبر

كل شي تخطيطي من نفسي

خبرت الأسرة الكريمة كلها وقلت حق بنتي

غصب عليك تاخذينه

صارت مشكله كبيره لكن انا اصريت على راي بقووه

المهم جاء اليوم المحدد

وقلبت البيت فوق تحت من بخور وزينه وترتيب وعشاء

وفواكه وحلويات يعني استعداد تام

انتظرت العصر والمغرب والعشاء ماجاء احد من اهل الرجل

جاء اخر الليل الا رجل يطق الباب علينا

وفتح الباب ابو مشلح قال مين انت

قال انا العريس

جيتكم بنفسي واسف على تأخري لاني ضيعت البيت

جانى ابو مشلح عيونه طايرره من صدمه

قال العريس وصل لوحده

قلت له خله يدخل واطير مين الفرح

وقال لى من جد تبيني تزوجين بنتا هل الرجل

قلت ايه وممنوع النقاش فى الموضوع هذا قرار

زوجي استقبل الرجل وهو مو مقتنع ورافض الزواج

العريس ماعنده وقت طلب من ابو مشلح انه يشوف شعفه الشوفه الشرعيه

زوجي جن جنونه وش ذا الطلب وجاء وصارت بين معركه انا اقول يشوف

وهو يقول لا مايشوفها

واساس الزواج مروفض بس انا بعطي الرجل على قد عقله

لانه ضيف فى بيتى

المهم بعد المعركة انتصر ابو مشلح على فى الاخير

خطرت على بالى فكره انى اتفق مع الرجل على يوم ثاني يشوف بنتي

و دقيت على الرجل واكلمه وتفاجأ الصوت غير مو نفس الصوت اللى قبل

قلت له انت فلان بن فلان العريس

قال ايوه ماكملت الاتصال ختمت المكالمة بسرعه

انا استغربت من الصوت قلت خلني اشوف الرجل فى المجلس قبل مااتفق معه

وعلى طول لبست العبايه واطير عند نافذه المجلس والقي نظره على العريس

ويا هي صدمه لى يوم شفت هاالمزيون

الرجل غير مو اللى فى الصوره

الاخ شايب منتهي الصلاحية وصابغ شعرة ومشبب عمره علا الأخر

وضرب راسي بيدي

وعلى طول اتصل بـ ام هارون

قلت ليه تنصبين على ترسلى لى صوره شاب

وفى الاخير يجي رجل شايب

قالت انا مالى دخل هو طلب ارسل لك الصوره انتي تفاهمي معه

وقلت لها طيب مين كان يكلمني

قالت حفيده اللى يكلمك

وقفلت الخط فى وجهي

بعدها فكرت وفهمت

اني تعرضت لكذبه كبيره من هالشايب

ماقدرت اسوي شي التزمت الصمت مع نفسي

وقلت حق زوجي اللى تشوفه مناسب انا موافقه عليه

بيني وبينكم زوجي استغرب من التغير اللى صار فيني فجأة

ابو مشلح اعتذر من الرجل باسلوبه

وبنتي مبسوطه كثير ان ماتم الزواج

وانا اسبوع مريضه من القهر ولا احد درى عني هههههه

وانتهت السالفه على خيرا

هاوشرايكم فيها ق1

هالله هالله بالردود اللي توسع الصدراذا عجبتكم السالفه ق1

انتظروني الاسبوع القادم
بسالفه جديده ق1

http://www.tra-sh.com/up/uploads/1444714692853.gif