منتديات تراتيل شاعر - ياللي على بالي انا دايـم الـدوم

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - ياللي على بالي انا دايـم الـدوم (http://tra-sh.com/vb/showthread.php?t=34628)

ياللي على بالي انا دايـم الـدوم

https://s-media-cache-ak0.pinimg.com...05bbdee655.jpg

ياللي على بالي انا دايـم الـدوم
اسألك بالله انا موجود في بالك ؟!
***

اشتاق لك كلي انا دوم مـو يـوم
وارقب متى اشوفك وانطر وصالك
***

تطري على بالي من دون هـالقوم
وطيفك يلاحقني وصافي جمالـك
***

وفـحبك انا غرقان وماينفع العوم
مايفيدني غير اللقا بحظرة جلالـك
***

وترى المقدر كان ومايفيد ذا اللوم
راضي انا اغرق فـبحرك وجالـك
***

لاغبت عن عيني يجافيني النـوم
واسهر تسامرني نسايـم دلالـك
***

حبك كبير وبه انا ماقبـل السـوم
لو بعتنـي انتـه اببقـى حلالـك
***

ماقدر على فرقاك وابظل محـروم
لين التقي بك واحتمي في ظلالـك
***

وفحظرتك اكتم انا اخبار وعلـوم
مابغى اشوّه صورتك فـي كمالـك
***

ماهمني لو كنت انا حيل محـروم
دامـه عليّـه مايتأخـر سؤالـك
***

احس روحي منك او كننـا تـوم
حتى خيالي نسختن مـن خيالـك
***

وترى الخطأ وارد ولانيب معصوم
ارجوك لاتزعل ويطيحـن جبالـك
***

تهدني وتروح ؟ ياعيـب الشـوم
منهو بيبقى واقفن فـي شمالـك
***

لامن تذكرتك انا اصيـح مهمـوم
واضم باقي قطعتن مـن شيالـك
***

لاتروح عني وصرت انا بك ملزوم
ماقوى غيابك ولا انحرم من هبالك

https://s-media-cache-ak0.pinimg.com...611b621e7c.gif