منتديات تراتيل شاعر - تدرون ليه آمالنا مثل السراب

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - تدرون ليه آمالنا مثل السراب (http://tra-sh.com/vb/showthread.php?t=33324)

تدرون ليه آمالنا مثل السراب

يالله عفوك يوم تصفية الحساب ..

.. يوم حصاد لما زرعنا في السنين

يوم الحشر قرب ولا معنا زهاب ..

.. اليوم في الدنيا وبكرة راحلين

نجمع ذنوب ونرتجي عفو وثواب ..

.. وعلى نصر ربي لنا مستعجلين

تدرون ليه آمالنا مثل السراب ..

.. تدرون ليه النصر سيف الأوليين

الأوليين أعمالهم وفق الكتاب ..

.. قاموا عليه وباعوا الدنيا بدين

وحنا غفلنا بين مالذ وطاب ..

.. والنصر سيف ما يسله غافلين

نصبح على شوف انتهاكات وخراب ..

.. ونمسي على دمع وتنهات وونين

بصدورنا شي تذوب اله الهضاب ..

.. وأفعالنا والواقع رياح .. وطحين

وعلى العيون من الفتن مثل الضباب ..

.. ماعاد ندري من يسار ومن يمين

ما للضعيف الا الدعا لو ما يجاب ..

.. ما غيره الا الشوف مكتوف اليدين

يالله زلزل تحت الأعداء التراب ..

.. والطف بنا واحقن دماء المسلمين

ندعيك يا قادر على جعل السحاب ..

.. جيش لنصرة قلة مستضعفين

أغرقهم بنوع من أنواع العقاب ..

.. غرق الغلام اللي يحسب انه فطين

لوما عصى نوح نجا به في رحاب ..

.. سفينته وأمضى معه في العمر حين

لكنه اختار الخساره والذهاب ..

.. اصنع بهم صنعك به وانت المتين

والا خذهم يا مجري سود الحقاب ..

.. أخذ العجوز اللي بقت في الغابرين

ذوقهم اللهم أنواع العذاب ..

.. اللي عثوا في أرضك من المفسدين

ألطف بمن لبسوا من التقوى ثياب ..

.. عبادك المستهدفين المتقين

تكالبت عليهم أنياب الذئاب ..

.. ولا غير عونك يا معين الصابرين

من بينهم شيبه يعجزون الشباب ..

.. من وقفته من طولها في الركعتين

ومن بينهم عذرى تون بلا حجاب ..

.. حجابها لفوا به الجرح المكين

تصيح ماهو من ألم والا صواب

.. تبغى الحجاب الي خذوه المسعفين

وطفل عن عيون أمه الثنتين غاب ..

.. تبكيه عين وتلتفت لأخيه عين

من هول ما يجري لهم شاب الغراب ..

.. يا وسع حلمك وانت ما فوقك مدين

أدعيك وانت ادرى بحال أهل المصاب ..

.. وأمد كفي لك يا أكرم الأكرمين