منتديات تراتيل شاعر - للحين للحين.. ما زلت على بالي ما ادري انا ليه اروح اروح.. وأرجع لك

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

للحين للحين.. ما زلت على بالي ما ادري انا ليه اروح اروح.. وأرجع لك

للحين للحين.. ما زلت على بالي ما ادري انا ليه اروح اروح.. وأرجع لك

للحين للحين.. ما زلت على بالي
ما ادري انا ليه اروح اروح.. وأرجع لك

احترت يا غالي باحساسك الغالي
ما بين كثر الجروح وقلب يشفع لك

ما ادري وش الحل لا راضي ولا سالي
إلى متى لاهي والشوق خاضع لك

ذكرى لياليك تحيي ميت آمالي
واحس بك واتغنى فيك واسمع لك

ما اقول قلبي على الاحباب متعالي
المسألة كل ما فيني تواضع لك

لا تسألني وانا احبك عن احوالي
الروح تنبض غلا والعين تدمع لك

شفتك بقلبي وشفت افراحي اقبالي
وقلتي لي انك بخير وقلت.. يا جعلك

اشكي.. وتشكي من بعدي وترحالي
قلت على مين طالع قلت طالع لك

يا سالفة عشق اسولفها وانا لحالي
يرضيك لو قلت.. هذا الحزن من فعلك؟

يا حبي الأول ويا حبي التالي
عرفت انا ليه اروح اروح.. وأرجع لك