منتديات تراتيل شاعر - شف بحة الشوق كيف تميز أشعاري

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - شف بحة الشوق كيف تميز أشعاري (http://tra-sh.com/vb/showthread.php?t=31947)

شف بحة الشوق كيف تميز أشعاري

تـعـال اغني لك الـمـوال وغيـابـك
للشوق ( بحـه ) تميـز نبـرة اشعـاري

زهبـت عـذري وردي لاابتـدى عتابـك
كم لي افكـر شقـول ان قلـت شالطـاري

بقـول مشتـاق للطعنـه مـن اهـدابـك
ومشتـاق اكثـر لقولـة باخـذ بثـاري !!

وبقـول مليـت مـدري ملـنـي بـابـك
من غبت دونه وقف عمـري ومشـواري

مغير اسولف لـه اللـي صـار باسبابـك
وارمـي عليـه الشقـا والهـم واعـذاري

من غير لا ادري اجي وان قال وش جابك ؟
قمت اتساقط علي مـن ( غيمـة افكـاري)

لين اتبلـل (( ولـه )) واطيـر اسرابـك
وتروى عصافيـر فرقانـا مـن انهـاري

وارد ميـت عـطـش واقـلـب كتـابـك
واقرى حكايـة سـراب ٍ عـذب ازهـاري

شفني ذبلـت وطفيـت وجيـت ابحيابـك
عمـري دفعتـه ثمـن دربـي ومسيـاري

امـا تخلينـي احـيـا فـيـك وابقـابـك
ولا تـاكـد وفـاتـي آخــر اخـبـاري

ابك انت مـره طرالـي احـرق اعصابـك
طاوعت فكري عليك وجيـت لـك سـاري

فكـرت ابيعـك وابعثـر بالمـدى اطيابـك
عقلي نواها وقلبي قـال انـا ( شـاري )

ورديت احسك بصدري واحسـب احسابـك
انـي زرعتـك لقـا وابقطـف اثـمـاري

والـيـوم دام المـسـا تــوه تغنـابـك
اقـررب مدامـك لحـن تشتاقـه اوتـاري

ابعـزفـك للقصـيـد الـلـي تسمـابـك
وشب لـك داخـل بحـور الشعـر نـاري

واسمعـك مـا كتبتـه لـيـن ( ينتـابـك
غرور ) واسمـع كـلام ٍ عـده اجبـاري

لاصـرت انـا والقلـم والدفتـر احبابـك
يحـق لـك لـو تقـول ان الشعـر داري

ما قلتهـا قصـدي انـي اكسـب اعجابـك
لكنـي بهـذي ادري ويــش مـقـداري

الصعب جـذاب وانـت الصعـب يزهابـك
وانا علـى الكايـده يـا عاشقـي ضـاري

وان جات للجـد لـه لـذه تـرى غيابـك
شف ( بحة الشوق ) كيف تميز اشعاري ؟؟