منتديات تراتيل شاعر - [ غيبتك وزن و حضورك قافيه ]

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - [ غيبتك وزن و حضورك قافيه ] (http://tra-sh.com/vb/showthread.php?t=30360)

[ غيبتك وزن و حضورك قافيه ]

غاب ضوّ الشمس و إزداد الظلام .. .. .. ..
.. .. .. .. و كل شمعه بالشوارع .. طافيه ..

إستعرت الصمت من فم الكلام .. .. .. ..
.. .. .. .. الحروف أحيان : ماهي كافيه ..

خطوتي صارت على حد الحُسام .. .. .. ..
.. .. .. .. من غدت كل الأماني : حافيه

طفلة الما .. ذبلت أوراق الغرام .. .. .. ..
.. .. .. .. بعد ما كانت علينا .. ضافيه ..

الجفا ما كان لي برد و سلام .. .. .. ..
.. .. .. .. حيييل مشتاق المطر يا جافيه ..

ألف مرّه قلت لك : بُعدك حرام .. .. .. ..
.. .. .. .. كيف أدفا بلا كفوفٍ دافيه !

في غيابك كانت الفرحه حطام .. .. .. ..
.. .. .. .. و كانت إيدين المواجع وافيه ..

ردي لـ صبحي تغاريد الحمام .. .. .. ..
.. .. .. .. حاولي بشتّى الدروب الخافيه

و رتّبي لي دمعتين ..بلا ملام .. .. .. ..
.. .. .. .. ودي أبكيك بـ ليالي لافيه ..

أو خذيني للبعيييييد من الغمام .. .. .. ..
.. .. .. .. الرحيل أحيان : ديره شافيه !

ودّي أرحل ما يناسبني الزحام .. .. .. ..
.. .. .. .. و أسكن أنفاس الغيوم الصافيه ..

عمر هذا الحزن فيني ما ينام .. .. .. ..
.. .. .. .. و فرحتي نامت منام العافيه ..

طفلة الما / مالت غصون الكلام .. .. .. ..
.. .. .. .. و الحروف حلول : ماهي كافيه !

ما يموت الشعر في صدري مدام .. .. .. ..
.. .. .. .. غيبتك وزن و / حضورك قافيه ..

أحببتُ آن تشآركونيُ جمَآلهآ "
للشآعرٍ /سَلمآن آلبلوي