https://encrypted-tbn0.gstatic.com/i...5_M1WgxHStIyyq


ما يضيّع اتجاهي راح وين وجيت وين


الدروب غربه وانا في غربتي رايح ذهاب

ما حملت من الكثير إلا القليل وفي اليدين

شنطه ومحمول وجواز السفر وآخر كتاب

حالة الفرقى غياب وحالة الذكرى حنين

وفي عيوني التقى .. اللي يسمونه غياب

استحت منه الظروف والتفت خلف السنين

والعذر اقفى بصمته واللقا اصبح سراب

ما تمنت المشاعر موت احساس الثنين

لكن الماضي سؤال ومات في صدر الجواب

كني اشوف الليالي .. بلا شموع العاشقين

وكن اطياف الوجود تلوم اشواق الضباب

شوف احساس السما يا كيف جا غيمه حزين

والضمى بعين المطر عانى وجف الإنسكاب

ما يغيّر الربيع إلا اختلاف الأوكسجين

ذبلت فصوله وتساقط منه اوراق العتاب