منتديات تراتيل شاعر

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - شفتك بالحلم (http://tra-sh.com/vb/showthread.php?t=27795)

شفتك بالحلم

شفتك بعد غيبه .. وحاولت احاكيك
مهوب من قلبي ولا من جراته !!

بغيت اقول / فلان وازريت احاكيك
وكني سمعت اسمي مع الألتفاته

فزيت من نومي وانا اقول لبيييك
وآثرك رويا .. في منامي وجاته

صفقت كف .. وقلت يا حلم يشوويك
جددت لي جرح ٍ هنى في مباته

يا اللي شريت البعد .. ما غاب طاريك
حتى لو ان البعد .. سواا سواته

مهوب محزني .. على حاجةٍ فيك
إلا إن قلبي شايف ٍ بك غناته !!

كن الطيوف تقول وشحال غاليك
وآقول راح .. وما بقى الا غلاته

لو ان ما جاني من الهم ياتيك
كان المصلي ما حفظ وش صلاته

مريت شارعكم .. وصادفني آخيك
واللي قطع كبدي .. حلاتك حلاته

بغيت الخبط من دعاياه ,, وادعيك
واسمك وقف بين اللسان ولهاته !!

وبغيت اجيب العيد وآقول : يرضيك
فاللي وصاتي له .. وضيّع وصاته

البعد شيّب خافق ٍ ميت فيك !!
والى مشى خطوه عثر في عصاته

مشكلتي / إن قلبي يحبك ويغليك
ومشكلتك / انك شخص عايش حياته

كثر الجفا .. نار .. وحطبها تغليييك
خف الحطب .. لا تزيد نار الشماته

إن ما احزنك جرح ٍ برجواه يدعيك
ما عاد تفرق .. عيشته من مماته

قلبي وعمري كلها بين اياديك
العمر فدوه .. لكن القلب هاته !!

وإن ما بغيت ترد قلبي ما اوصيك
احسن عزاه .. الى دريت بوفاته

رد: شفتك بالحلم

الراقيه شتات
طرحتي وابدعتي
ابيات غاية في الروعة
يعطيك الف عافيه
وشكرا جزيلا.. '

رد: شفتك بالحلم

بارك الله فيك
وجزاك الله كل خير

رد: شفتك بالحلم

صح لسانك أختي شتات أبيات روعة لافض فوك

رد: شفتك بالحلم

طرح رائع وجميل
سلمت وسلم لنا نبض قلبك وقلمك
شكراً جزيلاً لك
والله يعطيك العآفيه ع الانتقاء المميز
بإنتظارجديدك بكل شوق
تحياتي لك

رد: شفتك بالحلم

شتات
مميز أختيار أختي الكريمه.
أسعدكِ الباري وحقق لكِ ماتتمنين.
كوني بخير.

رد: شفتك بالحلم

كلمات لآمستني
عافاك الرب

رد: شفتك بالحلم

انتقاء جميييل
سلمتي شتات
كل الود

رد: شفتك بالحلم

شكرا على تواجدكم الرائع
منورين ي الغلا

رد: شفتك بالحلم

صح الله السانك وطاب فالك
بكل ماخطه حرفك
وبكل ماجمعه فكرك
تبقى مميزه
ثقى بأني أستمتعت كثيرا من بين السطور
الله يعطيك العافيه ويسعدك يارب