ماينعذر قلب تولع في الغرام وما حسب ..
حسبت حسابات الضعيف الي تحت رحمه قوي ..
اثر على قلبي غلاه الي على العمر انكتب ..
وصارت حياتي تحت حكمه بالمحبه تنطوي ..
قولو لعذال الهوى كفو ملامات العتب ..
بالحب مايفرق هوى المجنون والعقل السوي ..
والي يدور له سبب يلقى له اعذار وسبب ..
حدن يحب الحب موت واحد حبه معنوي
واقسى الامور الي تسبب في حياتك لك تعب ..
ان الخوي في حزه الضيقات مايلقى خوي ..
واكبر علامات التصنع في حياتك والعجب ..
تترك قناعاتك وتمشي درب ما لا تهتوي ..
من اجل عينه كل هل العالم بكبره والعرب..
عندي رضاهم والزعل في شف خلي مستوي ..
والي تعود على الضما يصبر واذا منه شرب ..
مايشرب الا من قراح انهار منها يرتوي ..
واسهل علامات الامانه كلمه صدقه وكذب..
تعرف بها الي قالها وش مستواه التربوي ..
والي تعنى في لهيب النار وبجمره لعب
يلعب بنار يمكن انه من لضاها يكتوي ..
والي ترك طيفه في بالي يوم هو عني ذهب ..
يدري بانه القلب من نشوه غرامه يحتوي ..
الي حنانه وسط نبض القلب والدم انسكب ..
واجبر ضلوعي من غلاه ومن ولاهها تنزوي ..
والي دخل غاب الجبل اكيد قلبه يرتهب ..
يسمع صدى صوت الذياب الي من الجوع تعوي ..
والي اخذ لحظه قراراته مع ساعه غضب ..
يمكن يمر بمرحله لحظه ندمها مأسؤي ..
والمشكله الانسان كانه ماعلى نفسه غلب ..
يصعب على نفسي تشوف انسان همه دنيوي ..

اسعدني مروركم وافرحتني ردودكم
شاكر ومقدر لكم"