منتديات تراتيل شاعر - كم صآحب من عيوني بآول آلفزعآت طآح..؟

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - كم صآحب من عيوني بآول آلفزعآت طآح..؟ (http://tra-sh.com/vb/showthread.php?t=24894)

كم صآحب من عيوني بآول آلفزعآت طآح..؟

http://cdn.top4top.net/i_7cf54248442.jpeg

(مدخل)

كم زرع قلبي آوادِم غير طعنة ما حصد
كمِّ صاحب من عيوني
ب اوَّل الفزعات طاح

إنجرحت و ﻻ‌ جرحت وﻻ‌ حكيت ابْظهر احد
مقفي و اصوات حولي تزرق بْ ظهري رماح

توَّه رجَع في قلبك اﻹ‌حساس ؟!
توِّك على ( الذكرى ) تطمِّـنِّي ؟!

سنين ميِّت خارج ( اﻷ‌قواس ) !
توِّك على الله .. جيت تدفنِّي ؟!

في غيبتك قطَّعني الوسواس !
كنت آتصارع ( فيك ) معْ ظنِّي ,

ليتك تحسْ بِ غصَّة اﻷ‌نفاس ,
وتشوف ( روحي ) تبتعد عنِّي !

لو للحزن بين البشر ( مقياس )
من زود حزني , ينكسر منِّي !

كبَّرتني .. عرَّفتني .. للياس !
وأصبح صديقي من صغر سنِّي

تعلَّم .. تغنِّي مع ( النسناس ) !
ﻷ‌نِّي قدرت إنْ هبِّك آغنِّي !

ﻻ‌ باس يَ الغالي علي ﻻ‌ باس
روِّح .. معَ تقديري ومَـنِّي !

توِّك تجي ( ندمان ) ؟ توِّ الناس !
آسف .. ولوِّك جاي متعنِّي ..

( مخرج )
البنت ( واجب على طبعك ) تداريها
لو ما بكت ، تخفي الدمع إبتسامتها

وأحيان .. عادي / تزعلها وترضيها ..
لو تشتكي عند ( خالتها ، وعمتها )

إذا إزعلت ، قصدها / وشكثر تغليها ؟ ..
وإذا رضت ، ﻻ‌ تحلفها ب ( بذمتها ) !

مادامها .. إتشوفك / الدنيا ، ومافيها ..
سو ّ ، ماتبي بس ( ﻻ‌ تجرح كرامتها ) !!