منتديات تراتيل شاعر - يا دافع الشعر لا تنساق من دوني..!

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - يا دافع الشعر لا تنساق من دوني..! (http://tra-sh.com/vb/showthread.php?t=22057)

يا دافع الشعر لا تنساق من دوني..!

http://cdn.top4top.net/i_5237c4ed322.png

****يادافع الشعر ﻻ‌ تنسـاق مـن دونـي**
**مادمت فـي ذمتـي سـجّ القـدم فيّـه**
**خلكّ علـى نيّتـك وظنونـك ظنونـي**
**وأنا ما أغيـرّ عليـك الظـنّ والنيّـه**
**البارحـه مـرّت اﻷ‌حـﻼ‌م بعيـونـي**
**أحﻼ‌م سـودا ماهيـب أحـﻼ‌م ورديّـه**
**تمـرّدت وأستباحـت حرمـة جفونـي**
**وراحت على دربهـا عجلـه وطرقيّـه**
**أمسيت أصوّت لها وأصبحت مغبونـي**
**وتفسيرهـا بيـن هـاذيّـه وهـاذيّـه**
**لو تستحي دمعتي من ضحكة سنونـي**
**ماكان حطّـت بنـون العيـن ماريّـه**
**اللـي تناسيتهـم واللـي تناسـونـي**
**بالخيـر مذكـوره وبالخيـر منسـيّـه**
**والحبّ ﻻ‌ هزّ صدري حـرّك شجونـي**
**وحطبت حدب الضلوع ونارهـا حيّـه**
**أكثر جروحي سببهـا اللـي يحبوّنـي**
**وجرح الحبايب عطيـب وكيّتـه كيّـه**
**تبكي على راسي وتضحك على متونـي**
**ونفضت خرجي وطاح الـداب والحيّـه**
**وين أنت يا اللي عليك أكوسر لحونـي**
**هيجنت بإسمك وشلت أغلـى هجينيّـه**
**يوم أنت هجسي وحدسي وأصدق فنوني**
**من ﻻ‌مني فـي غرامـك نعنبـو حيّـه**
**شطيّت بي في هـواك وزادت شطونـي**
**مع ﻻ‌هب الشوق بين الشمس والفيّـه**
**وعلمتني كيف أغيـرّ شكلـي ولونـي**
**وأعيـش جـوّ الحكايـات الغرامـيّـه**
**يا سيّد الحـب معـك الحـب مامونـي**
**وأنـا علـى جرّتـك عينـي شقاويّـه**

**مجبور ﻻ‌ شفتني ماشي علـى هونـي**
**حاولت وأزريت ﻻ‌ أكسر قيـد رجليّـه**

*
*