منتديات تراتيل شاعر - . ياورد ياللي فيك عطر الهوى فاح

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - . ياورد ياللي فيك عطر الهوى فاح (http://tra-sh.com/vb/showthread.php?t=199263)

. ياورد ياللي فيك عطر الهوى فاح

وفاحت قلبي نسايم عبيرك
.
ياورد ياللي فيك عطر الهوى فاح
وفاحت على قلبي نسايم عبيرك
القلب بستانك والأضلاع سياح
والدم يسقي سلسبيله غديرك
والعين غيم لا طلبت المطر طاح
ويروي الفياض اللي رسمها مسيرك
خذ راحتك خلك على طول منساح
وإن هبت الأرياح لا تستثيرك
دامك مع اللي بالهوى معه مرتاح
لازم تريح يا حبيبي ضميرك
وإن كان ودك تعرف السر لاباح
ماحب قلبي بالهوى شخص غيرك
خل الوصل ما بينا دوم ياصاح
محدن يقرر في حياتك مصيرك
ماتشوف قلبي بالجفاء ينزف إجراح
ماترحم اللي في حياته أسيرك
ويا ورد راسلني مع النجم لا لاح
وغرد آليا غرد مع الصبح طيرك
وياورد ياللي فيك عطر الهوى فاح
فاحت على قلبي نسايم عبيرك