منتديات تراتيل شاعر

منتديات تراتيل شاعر (http://tra-sh.com/vb/index.php)
-   ديوآن آلقصيد ▪● (http://tra-sh.com/vb/forumdisplay.php?f=27)
-   -   الله خلقني غير ... عن باقي الناس (http://tra-sh.com/vb/showthread.php?t=199116)

هيبة مشاعر 09-24-2024 02:05 PM

الله خلقني غير ... عن باقي الناس
 

الله خلقني غير ... عن باقي الناس
والله خلق في داخلي لك حنيـــــني


مني لك الإحساس والقلب حساس
يعرف غلاتك من يشوفك بعيني


متربع مابين دمي والأنفـــــــاس
دقــــات قلبي تنطق حروف فيني



وصفك يزيد الشعر من نور نبراس
حتى الــــــــمدايح تنقصك لو تزيني


أسرح بطيفك وأنتخي بة على ساس
أرســــل غرامي والمـحبـة تبـــيني


ياللي سكنت القلب وأصبحت وسواس
ارحم جنـــــــــوني واستره لو تجيني


دمي من أشواقه رفض حل وقياس
هــــاجر عروقي والسبــايب ظنيني


تثمين قلبي أنت .. أغلى من الماس
قدرك كبـــــــــيـر وتستمده سنيني


أشتاق لك وأشتاق ولو شوق لاباس
شـــووقٍ يــزيد النـــــــار يشتد فيني


غيرك ترى ما دق ذكـــراه أجراس
ولاني حسبت حساب لو جن فيني


سبحان ربٍ وفق الراس للراس
وبيّـن ملامح هالـــغلا بعد حيني


ما همني لو صار قصري بحراس
ولو هي ترى كل البشر بتحكيني


أنا وحبيبي غير ... وأحط أقواس
(بكل شيٍ غيــر) وأحلف يميني


عنتر وعبلة فرقوهم با لأجناس
والـحب أبقى من سبــايب تديني


منهاجنا بالـــحب مايعرف الياس
نبحث ورى الخافي نعرفه ثميني


نجمٍ تلالى بالسماء عالي الباس
عالي على العالين .. لو هو دفيني


وردٍ تفتح والنــــدى شكله الماس
من عــــــانقه فجرٍ تبسم فطيـني


راهن على هالروح وبسهم جساس
لو في الخلايق ، من يساويه .. عيني


هذا أنا من صغرتي وأغلبي ( كلاس )
وأروي عطش ثكلى تنــاخى بليني


وأحن وأشفق ،ميـر خليّ ولا باس
لو البــــعاد يطــول ، مني وفيني


عندي قناعة غير عن كل هالناس
الله خلقني غير .... يكفي حنيني

:111::111:

الجنرال 09-24-2024 06:22 PM

رد: الله خلقني غير ... عن باقي الناس
 
قصيدة جميلة وابيات رائعة
ذائقة شعرية مميزه
سلمت الانامل على الانتقاء
بنتظار جديدك بشغف
مودتي

عزوف 09-24-2024 11:52 PM

رد: الله خلقني غير ... عن باقي الناس
 
~

سلمت كفوفك لطيب الجهد وَ تمُيز العطاء
لاحرمنا الله روائِع مجهوداتك .~

هيبة مشاعر 09-25-2024 08:48 AM

رد: الله خلقني غير ... عن باقي الناس
 

اسعدني حضوركم الف شكر لكم علي التواجد بمتصفحي


خياط 10-02-2024 04:31 PM

رد: الله خلقني غير ... عن باقي الناس
 
,‘*
أختيااار أكـثر من رااائـع ’
وُجودك لـه وآقعٌ مُختلف / وكله تميز ..
شُكراً تمتد عميقاً وتنتشي لك بالورد
|‘,:118:

هيبة مشاعر 10-18-2024 09:44 PM

رد: الله خلقني غير ... عن باقي الناس
 

اسعدني حضورك الف شكر لك علي التواجد بمتصفحي

eyes beirut 10-24-2024 01:14 PM

رد: الله خلقني غير ... عن باقي الناس
 
تسلم ايدك ع الطرح
يعتيك العافية

هيبة مشاعر 10-24-2024 08:24 PM

رد: الله خلقني غير ... عن باقي الناس
 
اسعدني حضوركم الف شكر لكم علي التواجد بمتصفحي


الخل الوفي 02-23-2025 06:14 PM

رد: الله خلقني غير ... عن باقي الناس
 
هيبة
إبداع وتألق
سلمتي على ما قدمتي
ربي يسعد قلبك ويوفقك

صاحبة السمو 03-10-2025 03:23 AM

رد: الله خلقني غير ... عن باقي الناس
 
تميز في الطرح
يعطيك الف عافية على هذا التقدم


الساعة الآن 11:25 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2025 DragonByte Technologies Ltd.

Security team

mamnoa 4.0 by DAHOM