منتديات تراتيل شاعر - مرني طيف الغرام وذكرياتك

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - مرني طيف الغرام وذكرياتك (http://tra-sh.com/vb/showthread.php?t=197521)

مرني طيف الغرام وذكرياتك

مرني طيف الغرام وذكرياتك
يا مسا همس الوله ويا صباحه

روّحت لي الف همسه من شفاتك
والرهين الروح من يطلق سراحه

زيّني وجه الليالي من صفاتك
واحرمي حلم القطيعه من نجاحه

وقّفي للشمس من اربع جهاتك
والشبه يعطيك حق الاستباحه

ارسلي فيّ الغلا من طيب ذاتك
واتركي طير الفرح يرقا جناحه

ابعديني عن مرامي فلسفاتك
واطلقي كل الاعنّه للصراحه

هاتي اجمل شي من قصة حياتك
وامنحيني شي من تلك المساحه

اثبتي للمهتــــــــــوي قوّة ثباتك
واغرقي راع السماحه بالسماحه

عانقي حشمة شموخك في عباتك
وزاحمي حشمة شموخي بالبراحه

امنعي كيد العطا من معطياتك
وصافحي كف الوفا راحه براحه

يا حلا جدّك حلا ومجاملاتك
يا غلا كل الغلا بيدك وشاحه

مرني طيف الغرام وذكرياتك
يا مسا همس الوليع ويا صباحه