منتديات تراتيل شاعر - إي والله اني اخافك وآمنك

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - إي والله اني اخافك وآمنك (http://tra-sh.com/vb/showthread.php?t=194736)

إي والله اني اخافك وآمنك

إي والله انّي آخافك وآمنك وانّي :
احبك .. من اول الدنيا الى آخرها

قل للزمن يبتعد لا يبعدك عنّي ،
وقل للمشاوير توقف لا نسافرها !

وانقذني ارجوك من تخميني وظنّي ،
تعبت اكبّر وساويسي واصغّرها

اجيك مرهق ومتضايق ومتعنّي ،
واروح ودموع عيني عنك ساترها

ودّي اعلمك بـ همومي ولكنّي :
اخاف اعلمك فيها .. ما تقدّرها !

وانا حياوي وطبعي من صغر سنّي ،
افارق الناس .. قبل اجرح مشاعرها !

آحس باحساس تعبّني وجننّي ،
ليت الاحاسيس تتصوّر واصورها

ودّي تشوف بعيونك كيف تحزنّي ،
فكرة : لو تصير ذكرى واتذكّرها !

خذني على قد تفكيري وطمنّي ،
واحلف وكثّر من حلوفك وكررها !

احتاجك تكون حاجه ضايعه منّي ،
ذخرتها لجل بـ انسى وين ذاخرها ؟

يمكنّي اخاف لا اخذها ويمكنّي :
ضيّعتها من يدي عشان ادورها !