منتديات تراتيل شاعر - دربٍ تجيه اليوم لا تزرعه شوك

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - دربٍ تجيه اليوم لا تزرعه شوك (http://tra-sh.com/vb/showthread.php?t=181822)

دربٍ تجيه اليوم لا تزرعه شوك

لا ضاقت الدنياة والأصحاب خَلّوك
سِج القِدَم في واسعات الفيافي

وْلا جيت لك شِعبٍ من السيل مدكوك
تضرب على جاله هبوب السوافي

فاجمع حطبك وْشِب ضوّك وأنا أخوك
وإرك الدِلال وجعلها لك عوافي

وزْرار ثوبك لو تخلّيه مفكوك
أخير لك من صكّتِه يا السنافي

يومٍ تضاَيق فيه ماهوب مبروك
سيّر وتلقى لك ربوع وْملافي

إضحك وباب الرِزق ماهوب مصكوك
رزقٍ قِسَمه الله بياتيك وافي

ولا تهوجس في مشاريع وبْنوك
وسَهم العقارية وسهم المصافي

مافات راح وْما بقى منك متروك
لا تحسب إن جَوّك على طول صافي

العمر مرّة ما بها ظن وشكوك
وإليا إنتهى مافيه شَوطٍ إضافي

مادامت الدنيا لحِكّام وملوك
أقفت بهم شِهب السنين العجافي

لا تجازي المخطين بالمِثل لا أوذوك
أبعد بخير وسِتر الأجواد ضافي

دربٍ تجيه اليوم لا تزرعه شوك
يمكن تجي له بعد يومين حافي