منتديات تراتيل شاعر - الناس..... عكاش العتيبي

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - الناس..... عكاش العتيبي (http://tra-sh.com/vb/showthread.php?t=178448)

الناس..... عكاش العتيبي

من أجمل القصائد هذه الرائعه
للشاعر عكاش العتيبي
كل بيت أجمل من اللي بعدة
اترككم مع الإبداع
.
..
.
.

الناس ما خلقت حواليك ترضيك
مثلك مقادير الولي تعترضها

اخير لك لا تندفع في هقاويك
تلمس الاعذار ولا افترضها

ما فيه شي الا ليا راد واليك
ولا فيه صعبه كان ربك فرضها

اللي ما تقسم ما تجي في مراميك
لو كان تلحم بندقك وتحفظها

ورمي الركاده غير رمي التماتيك
والفرق في هذي وهذي غرضها

اكحل عدوك من سعادة مصافيك
ولا يشغلك غيب القلوب ومرضها

يظهر صديقك ويتبين معاديك
وكذا الحياة بما تلاقيك خضها

وسع مفاهيمك وجود مباديك
وكرامتك عن ما يشوب انتهضها

دايم جناحين المعزه تعليك
بالك لحاجات النفوس تخفضها

الا الوفا خل الوفى في مساعيك
عملة رجال اتعدها وتحفظها

يا صاحبي في وقفتك كيف اجازيك
وانا أدري أنك ما تدور عوضها

ما يجعل الاحرار مثل المماليك
الا معاريف الرجال ببعضها