منتديات تراتيل شاعر - هيبتك في عيني ماهي باي هيبه...

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - هيبتك في عيني ماهي باي هيبه... (http://tra-sh.com/vb/showthread.php?t=17751)

هيبتك في عيني ماهي باي هيبه...

هيبتك في عيني ماهي باي هيبه...

كنت افخر بـ نفسي وصار الفخر فيك

اعظم فخر ما دامني لك حبيبه !

لا قبلك و بعدك .. ولا احد ٍ يساويك

وهيبتك في عيني ماهي بـ اي ( هيبه )

كنت الأمل لك .. والطموح وأمانيك

قـرّبني الله لك / واثرني قريبه !

وانا قبل لا اعرفك .. روحي تناديك

شفت الصُدف وشلون صارت ( غريبه ) ؟

بـ اشطب على شعرٍ مايوفي معانيك

إنسى قديمي والجديد إهتـني به !

ويش الليالي .. دون لذة لياليك ؟

لو انّهـا ليلـه / بدونـك كئيبه !

ياجعلني ماابكيك ماابكيك ماابكيك

ترى الحياه بْدون وصلك صعيبه !

تدري ؟ ليا ناديتني روح مغليك

ماعاد اشوف ارضي ولو هي رحيبه !

اعشقك ! ويش العشق لا مايكفّيك

اموت لك موتة حبيب لـ حبيبه !

وحبٍ قدَر ، يشبك يديّه فـ اياديك

مافيه لا فرقا .. ولا فيه / غيبه !