منتديات تراتيل شاعر - فديت اللي اذا ماجيت انا اساله عن حاله

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - فديت اللي اذا ماجيت انا اساله عن حاله (http://tra-sh.com/vb/showthread.php?t=169087)

فديت اللي اذا ماجيت انا اساله عن حاله

فديت اللي اذا ما جيت انا اسالـه عـن حالـه
يبان الشوق في عينه ويسالني وش اللي فيـك

واذا ما جا على بالي اكيـد انـي علـى بالـه
واذا ما جيتني تسال انا اللـي ارتمـي واجيـك

زعل مره واحرمني وانـا المشتـاق لوصالـه
سهرت بليلة الفرقا وكنّي مـن الولـه اشكيـك

يروح الليـل ويركنـي ويفعـل فينـي افعالـه
وانا في دفتري حاير ادوّر كيـف انـا ارضيـك

هجير الشوق والخاطر يساءلني عـن احوالـه
انا وش حيلتي ياللّي غرامـي مـا يأثـر فيـك

اخاف الحين اشرح لك عـذاب الليـل واهوالـه
ويصير الهم في قلبـك عيونـي يالغـلا تفديـك

لو انك فـارس العشـاق وكـل الكـون خيّالـه
انا درب الليالي اللـي اذا مـا جيتنـي اطويـك

انا ذاك الغرام اللي عظيم الشـوق هـو خالـه
وفيك الخوف لو يطري انا يـا منيتـي اغطيـك

سكنت الـروح والخافـق غديتـي داره ومالـه
ولك في غيبتك طاري ينازعنـي علـى طاريـك

دخلتي دنيتـي لمـا نسيـت القهـر واظلالـه
ملكتي مهجتي والروح كل مـا تطلبـي تعطيـك

يبان الشوق في عيني وانا اسالـه عـن حالـه
وخوف الكون يملكني قبل يسأل (وش اللي فيك)؟