منتديات تراتيل شاعر - شاعرك لولا الغلا . ماصاغ تعبيره

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - شاعرك لولا الغلا . ماصاغ تعبيره (http://tra-sh.com/vb/showthread.php?t=16573)

شاعرك لولا الغلا . ماصاغ تعبيره

شاعرك لولا الغلا . ماصاغ تعبيره
فبيوت شعر ٍ تسولف لك . عن اشجانه
شاعرك مجروح . من قلبه وتأثيره
عينه من البارحه للحين . سهرانه
كان يتمنى قبل لايغادر . الديره
يودعك . ياوطن قلبه وسلطانه
لاكن تركتيه . مع طيفك وتفكيره
في لحظة ٍ هلت دموعه من . احزانه
مابين ضيق الصدر . والشك . والحيره
مشاعره كلها بالحزن . مليانه
مدري . جهلتيه والا قل تقديره
والا تمنين بعد اليوم . نسيانه
هذي صواديفك . وهذي مقاديره
ياقبلة عيونه . وقلبه . ووجدانه
شاعرك من ماحصل . طالت مشاويره
في سيرتك . والعقل . مختل ميزانه
مافيه غيرك شغل . فكره وتصويره
يامشغله هاجسه . بالشعر والحانه
يردد ابيات شعره فيك . وتثيره
ايام راحت مصورها . بقيفانه
منهار من زحمة . الاشواق والغيره
والسيره اللي . يرددها على السانه
بيده جوازه . وبه ختمه وتأشيره
وعينه . على شاشة الجوال شفقانه
طال انتظاره . مع زحمة تفاكيره
ودموع عينه . بوسط الموق حيرانه
دنياه ضاقت . بعد ماقل تدبيره
ماكنه . الا سجين بيد سجانه
ماهزك الشوق . والا جابتك سيره
يوم ٍ قلبه يهزه شوق خلانه
تبقين . في عينه وقلبه وتفكيره
في كل لحظه . معه لوطال حرمانه

أبيات منقوله أن شاءالله تعجبكم