|
حزين من الشتا والا حزين من الظما ياطير
 حزين من الشتا والا حزين من الظما ياطير دخيل الريشتين اللي تضفك حل عن عيني دخيل الما وملح الما وحزن الما قبل ماتطير تهيا للهبوب اللي تصافق في شراييني دخيل الغصن والظل والهزيل وهفهفات إعصير دخيلك لاتشح بنجمتي والليل ممسيني ترفرف يافقير الريش ضيقه والنهار قصير علامك كل ماليل جناحك جيت ساريني انا ماني بخير وجيت يمي وانت مانت بخير وانا ياطير في من الهجاد اللي مكفيني ترى لو شفت لي ظل ومهابه في عيون الغير ترى كل الزهاب اللي معي جرحي وسكيني https://m.youtube.com/watch?v=GmY2emyTvOs فيذا قصة القصيدة يرويها الشاعر مساعد الرشيدي الله يغفر لوه شكرا لمتابعتكم |
رد: حزين من الشتا والا حزين من الظما ياطير
قصيدة رائعة وجميلة
سلمت الانامل على الاختيار بنتظار ذائقتك الشعرية الراقية ودي ووردي |
رد: حزين من الشتا والا حزين من الظما ياطير
ترى لو شفت لي ظل ومهابه في عيون الغير
ترى كل الزهاب اللي معي جرحي وسكيني هذا البيت قمة في التواضع والتركيب والادب كل الشكر على هذا النقل |
رد: حزين من الشتا والا حزين من الظما ياطير
رحم الله شاعرها وسلم عمر ناقلها
و لكم منى الشكــــر اجزله ... ومن التحيه أخلصــها علي جهودكم |
رد: حزين من الشتا والا حزين من الظما ياطير
|