منتديات تراتيل شاعر - صبرت يومني على الصبر ملزوم

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - صبرت يومني على الصبر ملزوم (http://tra-sh.com/vb/showthread.php?t=157944)

صبرت يومني على الصبر ملزوم

قلـب المقفـي ماعلـى صـدتـه لـوم
وقـلـب الـمـخـلاّ غلـطـتـه فنـدفـاعـه

أدركت غلطة خافقي فالهـوى يـوم
عــزّم عـلـى الفـرقـا وقــدم وداعـــه

صبرت يومني على الصبر ملزوم
مالـي علـى شــيٍ ســواه إستطـاعـه

مشتاق لكني مـن الوصـل محـروم
والصبر طال وطال عمـر إنقطاعـه

العام من وسع الفضا شوفي يحـوم
واليـوم ضـاق إبـه الفضـا وإتسـاعـه

ماعـاد لـه فـي لـذة الـنـوم مقـسـوم
ليـلـه عتـيـم وشــح وقــت انقشـاعـه

اوقات لاداعب جفوني هوى النـوم
طـيـفـه يـسـبـب صـدتــه وإمتـنـاعـه

وأوقـات تقبـل دمعـة البيـن وأقــوم
أردهــا والـدمـع صـعـب أنصيـاعـه

الحـب بيتـه عقـب غالـيـه مـهـدوم
بأسبـاب فـوعـات الـولـه والقطـاعـة

عليـه ترقـى لوعـة النفـس وتـزوم
أكـنـهـا وتـلـوعـنـي كـل ســاعــة

والحـال مهمـا طـال لايمكـن يـدوم
عنـدي علـى طــول الليـالـي قنـاعـة

من طاوله ليل الجفـا عـاد لـه يـوم
يـقـنـع ويـعـلــن للـمـحـبـه وداعـه