واليوم مع ضيدان للشعر عذوبة
مهندس الحرف بدقة وعناية وإتقان هذا الشاعر احساسة يسبقة وانا معجب بحضورة وشخصيتة وثقتة الكبيرة في أصالتة بنفسة
تمتعوا بهذة الابيات


ياعظيمه كل شي له حدود وله نهايه
لكن انتي ماوقفتي عند حدك ياعظيمه

استلذيتي بطعناتي واخذتيها هوايه
كن مالك حربة توجع وطعنات اليمه

آه ليتك ماتماديتي بطعنات البدايه
لين صار لكل طعنه بالحشى معنى وقيمه

الله يجيبك لكن كيف وفي اغرب روايه
تكتبين الحب كذبه والهوى دقه قديمه

وانتي الذي كل مالدت عيوني في المرايه
مالمحت الا اليتيم اللي خذت قلبه يتيمه

واليتيمه في اليتامى مالها حق الوصايه
الوصيه عودها الغض ونواياها السليمه

لكن انتي صارلك حق الوصايه والولايه
واستبديتي وشد البدو واضحيتي مقيمه

مارحلتي لين حطمتي بما فيه الكفايه
عاقل حب الجنون وصوت نارك في هشيمه

استبحتي حرمه المجنون بدراك وعنايه
والتفتي له بعقلك وارتكزتي في صميمه

المشاركة الأصلية كتبت بواسطة غربة الروح (المشاركة 3624775) الله الله ع الذوق الجميل دام لنا حضورك وجمال أنتقاءك كنت هنا وراق لي إبداعك

المشاركة الأصلية كتبت بواسطة بندر السديري (المشاركة 3624780) ياسلام على بن قضعان ياحلو قصيدته يا وجودي / تسلم يا جنون ويسلم لناهالذووق لاهنت تحيااتي

المشاركة الأصلية كتبت بواسطة طبعي حنون (المشاركة 3624983) صح لسانك يالغالي قصيده قمة الروعه الله يعطيك العافيه

المشاركة الأصلية كتبت بواسطة شموع الحب (المشاركة 3625371) كلمات جميله ومتصفح مميز بما فيه ودي ووردي