منتديات تراتيل شاعر - الـــحــــر يــــزكــــي.. والــدجـــاجـــه.. دجــــاجــــه

’،’

الـــحــــر يــــزكــــي.. والــدجـــاجـــه.. دجــــاجــــه
ومــانــي عــلـــى بــعـــض الـمـقـاريــد مـجــبــور

الـــــضـــــرس قـــلــــعــــه لا تـــــألــــــم عـــــلاجــــــه
لا صــــار مــــا يـنـفــع مــعـــه طـــــب دكــتـــور!

وحـكـي القـفـى فــي الـنـاس عـيــب وسـمـاجـه
والــلـــي يـتـتـبــع عــــــرض الأجــــــواد مــثــبــور

(نــــارد) قــــرا ح الــمـــاء ..ونــتـــرك هـمــاجــه
هـــــذا لــنـــا مـــبـــدأ.. ومــنــهــج ..ودســـتـــور

والـــلـــي يــطــفــي فــــــي الـــغــــداري إســـراجــــه
لايـحــتــري قــمـــراء ..ولا يــرجـــي الـــنـــور !!

تـــــــراه يــضــيـــع صــيــدتـــه فــــــــي عــجـــاجـــه
لا يـســمــع الـنــاصــح.. ولا يـــأخـــذ الـــشـــور

والـــكـــل يــبــخــص فــــــي الــشــدايــد خـــراجــــه
لا نشـبـت اللقـمـة مــن الغـبـن فــي الـــزور !

والـــحــــظ لابـــــــان الـــــــردى فـــــــي حــجـــاجـــه
أصــبـــر مـــــدام الــصــبــر يـــاخـــوي مـــقـــدور

الله خــــلـــــق كـــــــــونٍ وســــيـــــعٍ.. فـــجـــاجــــه
والـعـبــد لـــــو يــطـــرد وراء الـــــرزق مــعـــذور

و(راع) الــــرفــــيــــق ولا تــــعــــكــــر مــــــزاجــــــه
خـــلــــه ســعـــيـــدٍ دايــــــــم الــــــــدوم مــــســــرور

كـــســـر الــخــواطــر مـــثـــل كـــســـر الــزجــاجــه
نـفــس الـبـشـر دم.. وأحـاسـيـس.. وشــعــور

والــــلــــي يــتـــصـــدد مــالـــكـــم فــــيــــه حــــاجــــه
يالله عسـى إلـلـي يــدور السـتـر .. مسـتـور

وحـــذرا تـصـيـر لـبـعـض الألــســن (عــلاجــه)
بعض البشر يحلف.. ويشهد ..على الزور

والــتــمـــر يـــعــــرف طــيــبـــه مـــــــن خــمـــاجـــه
مــاجـــور يـالــلــي تـــدهـــل الــطــيــب مـــاجـــور

الــــــواحــــــد الــــقــــهــــار راعــــــــــــه ونــــــاجـــــــه
الله يـكــافــيــنــا مـــــــــن الـــضـــيــــم والـــــجـــــور

يــقــولـــه إلـــلــــي قـــاســــي الـــوقــــت عــــاجــــه
صــابــر وهــمــه داخـــــل الــجـــوف مـقــبــور!!

عبدالرحمـن بـن عبـدالله المجلـي السبيعي