منتديات تراتيل شاعر - هذي هي الدنيا حظوظ وتوافيـق ،

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - هذي هي الدنيا حظوظ وتوافيـق ، (http://tra-sh.com/vb/showthread.php?t=13674)

هذي هي الدنيا حظوظ وتوافيـق ،

هذي هي الدنيا حظوظ وتوافيـق
أمـا وطـاك الحـظ وإلا وطيتـه

تعيش في غيبوبه الوقـت وتفيـق
شـي تذكرتـه وشـي نسيـتـه

بس الوكاد أنه بعد نشفت الريـق
مالك سـوا بنيانـك اللـي بنيتـه

والظيق كل انسان به هم و يظيق
ولا كل واحد يسألـك بـه طريتـه

السـد خلـه دايمـاً فـ الصناديـق
منشـان ماتصـدم بشـي هقيتـه

والحب لعبه حظ بين العشاشيـق
أمـا نحتـه نحـت وإلا محيـتـه

وتبي الصحيح الي عليه المواثيـق
الحـب حلـق شاربـي لا لقيتـه

والطيب فعل وله دروب وطواريق
وسـوه لوجـه الله لا مـن نويتـه

وفعلٍ مهو لك لا تلفقـه تلفيـق
الحق يظهره الزمـن لـو كميتـه

كم واحد صيته بروس الشواهيق
ولا تسـرك سمعتـه لا نصيـتـه

وكم واحدٍ ما سمعته سمعت طويق
لكـن يقـوم بواجبـك لا لفيتـه

واللي يحمل طاقتك فوق ما أتطيق
اللي يلومك خبـل لـو ما عطيتـه

يا كثر ما مـروا علـي المطافيـق
وأنا الخطا مـن يمهـم ما بديتـه

لو كنت أدقق في خطا الناس تدقيق
ما كان حب الناس فزت وخذيتـه

كم مطلبن حاولت أسوقه ولا سيـق
حاولت به لكن عجـزت وجفيتـه

وأضك همي ضك بيـن المعاليـق
خلـه مـدام إن المعاليـق بيتـه

الرزق عنـد الله رب المخاليـق
ماهو مخيب رجوتـك لارجيتـه

وهذي هي الدنيا حظوظ وتوآفيق
إمآ وطاك الحظ وإلا وطيته

رآقني ق1