منتديات تراتيل شاعر - لا تلبسين الثوب علاق تكفين

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - لا تلبسين الثوب علاق تكفين (http://tra-sh.com/vb/showthread.php?t=135981)

لا تلبسين الثوب علاق تكفين

,/’،

يا بنت بعد الستر صرتي تعّريـن
ولاهوب ذا فرض ولاهوب سنـّه

لاتلبسيـن الثـوب عـلاق تكفيـن
أمـي وأمـك قبلـنـا مالبسـنـّه

وكانك بتقليـد الخواجـه تباهيـن
وراك يوم الحشـر نـار ٍ وجنّـه

وإن كان ذي موضه تراكن مساكين
الكـافـرات لباسـهـن تلبسـنّـه

لبسن عليكن مثل لبـس المجانيـن
متقطعن حتى الظهـر بـان منّـه

العاريـات الكاسيـات الملاعيـن
ياويلهـن مـن شـي ٍ يواجهـنّـه

جداتنا باقي صداهن لهـا الحيـن
الكـم لامنـه قـصـر طولـنّـه

لامالبسـن لبسـت ديانـا وناديـن
والسـاق مثـل كلوديـا ماكشفنّـه

وترى الحلا ماهو بكشف الكراعين
ولاهو بكشف الصدر ياللـي تبنّـه

ترى الحلا بالستر بس الستر وين
دام اللبـاس الفـاضـح تأيـدنـّه

لاشفتهم بالعرس مثـل الشياطيـن
حتى الشعر فـوق الأذان أجبعنّـه

مالوم أنا من عندهن نقص بالديـن
ألـوم زوج ٍ خـيّـب الله ضـنّـه

يمشي وراها مثل مشي البعاريـن
لمطـارد الموضـه معاهـا تقنّـه

وليا نصحها قالت أسكت وبعديـن
وإن ماسكت في كف يدها تصنّـه

غصب ٍ عليه الحب فوق القوانيـن
لاتحترم رايـه ولا تخـاف منّـه

الجيب فاضي بعد جمع الملاييـن
بنـات حـواء ضاعـن وضيّعنّـه

الشاعر/ فلاح عشوي العنزي