منتديات تراتيل شاعر - صوتي المبحوح / نجم جزاع الاسلمي

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - صوتي المبحوح / نجم جزاع الاسلمي (http://tra-sh.com/vb/showthread.php?t=116526)

صوتي المبحوح / نجم جزاع الاسلمي

انا ماشلع قلبي من البيض ياممدوح

سوى جادلٍ ينزف على الصدر مطعنها

كوت قلبي اللي قبل لاينكوي مجروح

واحبه واحب جروحها واعتذر عنها

وهي كل ماتبرى جروحي تحط جروح

واجيها واداوي جرح قلبي واطمنها

لكن عقب فرقاها ليا ضقت وين اروح

وانا كل مايكفخ خيالي تزبنّها

تعودت اجي يمه وانا دفترٍ مفتوح

وهي كل ماترسم دقيقه تلونها

هذا برق طيفه في سما الذكريات يلوح

واشوف اقشر ايامي خذت موقع احسنها

وانا حن قلبي مثل حنة حمام الدوح

على وردةً في دوحة القلب موطنها

صبرنا على فرقا الجسد ليه فرقا الروح ؟

يابو روح منيّ كل ابوها وانا منها

لك الله نهار العيد هذا نهار جروح

يذكرني اعيادً وجودك مزينها

عساها ليا منه وصل صوتي المبحوح

تحن ، وترد الروح ! والا تكفنها

#شاعر المليون