منتديات تراتيل شاعر - كيف تكسب قلوب الناس..؟

منتديات تراتيل شاعر (http://tra-sh.com/vb/index.php)

- زوايا عامه (http://tra-sh.com/vb/forumdisplay.php?f=2)

- - كيف تكسب قلوب الناس..؟ (http://tra-sh.com/vb/showthread.php?t=115609)

كيف تكسب قلوب الناس..؟

بسم الله الرحمن الرحيم
هذا موضوع يشغل بال الكثيرين
و فيه ناس كثار يسألون انفسهم هذا السؤال :
ليش الناس يبتعدون عني ؟
الجواب : اكيد ان فيك شي يبعد الناس عنك ..
لكن كيف تبعد هذا الشي ؟
وما هي الاشياء اللي تجذب الناس لك ؟
1- حسن الخلق
دايما الانسان حسن الخلق محبوب من الناس .... ووين ما يروح ينجذبون له
و فيه فرق بين حسن لخلق و بين اللي يتصنع حسن الخلق
لان اللي يتصنع حسن الخلق بينكشف بسرعه
2 - الابتسامه :
سبحان الله الانسان البشوش كل الناس يحبونه
انا نفسي يوم اشوف واحد يضحك في وجهي ارتاحله
3- خدمة الناس :
احرص على خدمة الناس لانك بمجرد ما تسدي للشخص خدمة بيحبك و حتى لو كان عدوك
قال الشاعر :
احسن الى الناس تستعبد قلوبهم ..... فطالما استعبد الانسان احسان
4-الهديه :
للهدية تأثير عجيب على علاقة الناس مع بعض .
يمكن تكون حاط في خاطرك على واحد من ربعك و بجرد انه يهديك شي حتى لو شي بسيط تحس ان كل اللي في قلبك راح
دايما اذا حسيت انه واحد من ربعك حط في خاطره منك اهديه اي شي
5 - قلة الكلام :
الانسان اللي ما يثرثر تحصل الناس يحبونه اما الثرثار فربعه الا على شكله
و فيه الكثير من الاشياء الاخرى لكن عسى ان في اللي ذكرته خير
تحياتي