منتديات تراتيل شاعر - مايعالج الجرح غير رب يروفي

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - مايعالج الجرح غير رب يروفي (http://tra-sh.com/vb/showthread.php?t=11157)

مايعالج الجرح غير رب يروفي

مايعالج الجرح غير رب يروفي انت تعاني اﻷلم وانا اعاني غربة اوطان
جيتك ابي وطن وانت علي شحوحي
جيتك وخاطري منك زعلان و حيران
من شفتك تجاري كل بنت مزوحي
جيتك ابكي وقلبي عليك حيل غيران
ابي افضفض لك شرهتي و خوفي
كنت أعاتبك عتب خل عليك شرهان
ولكن ماشفت لشرهتي قلب يشوفي
جيتك طفله يتيمه قطع قلبها الحقران
خلني اشكي خلني اشبع عطش جوفي
كنت أغبط نفسي فيك وحيل فرحان
واقول حظي ياحظ فوق الوصوفي
خصيتك من بد الناس وتركت لاجلك علان
زعلت صديقي وأضحكت علي خصومي
بحت بسري عند هلك. وزعلان؟!
وانا كنت احسبك لسري ماتبوحي
ياقسي قلبك لازعل علي يافلان
كيف ترضى علي؟وغيري عندك يلوفي
فهمتني غلط واناأحسبك فهمان
وعذرك قبلته يوم حسيت بقلبك عطوفي
اخطيت في حقك.نعم. وانا تراني انسان
ليه ماتغفر زلتي وعليا تروفي؟!
صديت عني وقطعت وصلي بحقران
ابكي زعل وأنا أمدها لك كفوفي
ياقوها صدتك وانا عليك ولهان
طبع الرجل أناني ياروح روحي
اكتب كلامي ودمعتي أنثرها بكتمان
وصرخة في نفسي يفضحها بوحي
لاتحسب اني بأمري هذا فرحان
وانا كنت اشوفك قمة طموحي
فصول عمري كلهاأحزان في احزان
ماتفتح فصل الا فيه جرح نزوفي
كل منا يعايش حالة من الخذلان
ومااظن جروحنا علينا بتطوفي
عاتب لك صدر ياسع عتب خلان
بتحمل واصبر ﻷنك انت ذوقي
ودي ازورك وقلبي عليك شفقان
لكن حولي حرس و ماتقدر ظروفي
اللي يحب... يسامح حتى لو خان
واللي عاف. ماتنفع معاه الفعولي
اعيش ليلي واانام وانا سهران
وان نمت عيون قلبي ماتنومي
دامك حكمت بالفراق وكان ماكان
الشاهد الله وش لك بخفوقي
انت قوي بالله ومنت بخسران
دامني في نظرك بنت جحودي
الله على كسر الخواطر جبران
يهدي خاطري ويغفر لي ذنوبي
شكواي لله رب مايعتريه النقصان
رب يعرف الحال ويسمع نوحي
رب يغفر ويعفو عن خطأ الانسان
وابن ادم غريب. غريب الطبوعي
انا مؤمن بربي وكلي إيمان
يهدي قلوب زعلها أبد مايروقي
ادعي لك ربي يملى قلبك سلوان
دعوة في ظهر الغيب وانت ماتوحي
أعالج جرحي بالتسبيح والغفران
واصلي واذكر ورد ليلي و يومي
مايبرد القلب غير ذكر الرحمن
ومايعالج الجرح غير رب يروفي