|
بلاد الحلم
جاني واحد وقال: بسأل كم سـؤال وقبل يسأل قلت: أنا ماني خبير ! قال: جاوب بس يا ولـد الحـلال وكل كلمه حِطَّهَا .. فبيتٍ صغيـر قال نبدي: شنهو تعريف المُحال..؟ قلت: خَل هالكلمه فالبيت الأخيـر.! القهر: إن شفت دمعـات الرجـال والوطن: ( إنسان ) .. مِتغيِّر كثير والطفل: لعبه على شاطي الرمـال والأمل: إحساس في عين الضرير الوفا: [ قلبين ] .. يجمَعهُم حـلال والرَجُل: اللي علـى أهلـه يغـّيـر والرجا: لا قلت : للواطـي تعـال والفشل: مدري .. ولكنـه مريـر والشعر: في وقتنا .. بدر وطـلال زين وأوَّل: حيل يعجبني جريـر! والغلا: إحساس إلى حَد الخيـال والعِشِق: لا شفت مَعشُوقِك تطيـر والجفا: إعكس مفاهيم الوصال والوَصِل: يعني تأكَّـد فيـك خيـر والعقل: تِسْفَـه أقاويل الجهال والجهل: إن قلت عن نفسك كبيـر والخطر: لا صار ما عندك مجال والبلا: إن صرت معدوم الضميـر والعجب: لا صرت تسأل منهو قال والتعب: إن كنت تِبْحَثْ عن مصير الغنى: بالنفس ما هو راس مـال والفقر: من كان .. بأعماله فقيـر يكفي يكفي .. أسئله إنهي الجدال ويالله علمني عَن .. السِّر الخطير ما أبي تضرب لي في غيرك مثال قول: عنِّك وإعتبر سِرِّك في بيـر جات طعنه مِن جنوبك والشمـال يعني وضعِك بين مِن حُولك خطير صاحبي وإن ضاقت بعينك ليـال لك فرشت القلب مفروش الحريـر في [ بلاد الحلم ].. ممنوع العقال والمصيبه الشعب ما أختار الأمير وما ألومك .. كان شدِّيت الرحال دام بيتك جرح وفراشـك حصيـر وهذا تعريفي إلى كلمة: مُحَـال شي ودِّك فيه ولا يمكن يصير ..! الشاعر/ أحمد الصانع |
رد: بلاد الحلم
ابدااااع راقي..
وفي منتهى الروعه والجمااال كلمااااااااات من ذهب.. ومعطرة بعطور ساحرة.. لاعدمنا كل مايخطه قلمك لنا تحياتي وعبير ودي |
رد: بلاد الحلم
يا ججمال ذائقتك شموخ
حبييت طرحك حبيبتي انتقاء ولا اروووع دمتي بووود |
رد: بلاد الحلم
تِسَلّمْ الأيَادِيْ ولآحُرمِناْ مِنْ جَزيلِ عَطّائك دُمتْ ودامَ نبضُ متصفحك متوهّجاً بِروَعَةْ مَا تِطَرحْ لروحَكَ جِنآئِن وَرديهّ |
رد: بلاد الحلم
جلب رااائع ومميز
الله يسعد قلبك يعطيك العافية |
رد: بلاد الحلم
اقتباس:
اسعدني تواجدك الدائم لصفحتي بارك الله فيك ونفع بك حفظك الله ورعاك ... نور الله قلبك بالإيمان وطاعة الرحمن وأدخلك الجنان :81: |
رد: بلاد الحلم
اقتباس:
اسعدني تواجدك الدائم لصفحتي بارك الله فيك ونفع بك حفظك الله ورعاك ... نور الله قلبك بالإيمان وطاعة الرحمن وأدخلك الجنان :81: |
رد: بلاد الحلم
اقتباس:
.، اسعدني تواجدك الدائم لصفحتي بارك الله فيك ونفع بك حفظك الله ورعاك ... نور الله قلبك بالإيمان وطاعة الرحمن وأدخلك الجنان :81: |
رد: بلاد الحلم
اقتباس:
اسعدني تواجدك الدائم لصفحتي بارك الله فيك ونفع بك حفظك الله ورعاك ... نور الله قلبك بالإيمان وطاعة الرحمن وأدخلك الجنان :81: |
رد: بلاد الحلم
,
سلمت يداك على الطرح الجميل ننتظر القادم بكل شوق ودي وتقديري |
| الساعة الآن 10:40 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.
mamnoa 4.0 by DAHOM