منتديات تراتيل شاعر - طلبتــك يابعد كل الخــلايق روق و اسمعني

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - طلبتــك يابعد كل الخــلايق روق و اسمعني (http://tra-sh.com/vb/showthread.php?t=106322)

طلبتــك يابعد كل الخــلايق روق و اسمعني

طلبتــك يابعد كل الخــلايق روق و اسمعني
ترى مايذبح العاشق سوى لاكثرة أوجــاعه

امـانه لا بغيت تروح تكفى لا توادعني
تراك انت الوحيد اللي عجزت اتخيل وداعه

اليا منه نزل دمعي امامك قول وش يعني
يا إما إني أحبك أو إن النفس ملتـاعــه

وانا في الحالتين اصبح أنا المقصود و المعني
وتصبح حضرتك جاني و أنا المجني على اوضاعه

يا هيه اسمع يا هيه افهم كلامي لا تقاطعني
ترى العاشق دمعاته تساوي لوية ذراعه

وأنا عن بعض الأشياء عـزتي و الله تمنعني
مع إن نفسي على حبك قسم بالله منصاعه

يا ليتك من قبل لا تقتنع في البعد تقنعني
سقيم الحب بعد الله من اللي يقدر اقناعه

و يا ليت إنك سقيم العقل قبل إنك تولعني
ما كنت اشتاق للمجنون واعشق طبع بطباعه

ترى عادي يوم إنك كل ساعه كنت تخدعني
لكن اللي ما هو عادي أحــبــكـ موت كل ساعه

أحبك كثر مالك في الحشا طعنات توجعني
و أحبك كثر ما يجرح خفوقي خافق باعه

أحبك كثر ما حاولت للهجران تدفعني
و أحبك كثر ما أملك من بيوت الشعر و أتباعه

و لكن دمعي لو ينزل نزل في شي ينفعني
نزل للخالق الواحد وأبي وأمي و للطاعه