منتديات تراتيل شاعر - يا ليل وش سراك في قلب مظلـوم

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - يا ليل وش سراك في قلب مظلـوم (http://tra-sh.com/vb/showthread.php?t=105786)

يا ليل وش سراك في قلب مظلـوم

يامطول الغيبه على طاري النوم
النوم عقبك خذت منه مناعـه ؟

احط خدي شوي واطريك واقـوم
ويغزي السهر عيني ولابه .. فراعـه

من غبت حافظ لك وسط جوفي البـوم
ما اغير اقلب بالصور كل ساعه

وجهك على صدر المعاليـق مرسـوم
عين المهاه وخـد يبـرق شعاعـه

عز الله ان النـاس معطـى ومحـروم
فلان شاري فـلان وفـلان باعـه

غدا بك الوقت الردي جعلـه القـوم ؟
والروح عقبك عايشه في مجاعـه

غذيتها دمع وتناهيت وهموم ؟
والقلب لاغذي مـن الصبـر زاعـه

اي والله احبـك ولا ادري وش الـوم
الوم وصلك ولا الوم انقطاعـه ؟

انا كان ما يجيبك سوى جرح وسهـوم
اجرح ويفـداك الحشا والتيآعـه

قصايدي باسمك سبت كـل مهيـوم
لين فضحتني في عيـون الجمآعـه

ياللي تواصل يوم وتغيب كم يـوم ؟
محبتك في ذمتي انها قلاعه

متسحرك قلبي ولا فادك بك صـوم
ما كني موصيـك واقـول راعـه

يا ليل وش سراك في قلب مظلـوم
منت برفيق لـي ولا لـك وداعـه

ركز معي واسمع مفاهيـم وعلـوم
عشآن تدري كيف حبـك الصناعـه

الخبث في الاعداء ما يلحقـه لـوم
والكذب لجل الوصل .ينهي القطاعـه

وطعم السهر بالحب احلى مـن النـوم
والذل من فرقـا المحبـه شجآعـه

يعني اكون اغليك واعيش محـروم
احسن من جروحك علي كـل ساعـه