منتديات تراتيل شاعر - ابشري بالشعر ياشيخه دواوينه وتاجه

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - ابشري بالشعر ياشيخه دواوينه وتاجه (http://tra-sh.com/vb/showthread.php?t=103428)

ابشري بالشعر ياشيخه دواوينه وتاجه

ابشري بالشعـر ياشيخـة دواوينـه وتاجـه
لو طلبتي شاعرك يكتب لك من ازرق وريده
بس انا لاجيت اباكتب ينشغل بالـي بحاجـه
كيف ابكتب بك قصيده توصفك وانتي قصيده
لك دلال الشعر وغيابـه وتعقيـدة حجاجـه
بـك تغليـه وجموحـه وابتسامتـه العنيـده
لك حضور النور والفجر وتفاصيل انبلاجـه
واسمه ورسمه وذعذاعـه وطلاّتـه وعيـده
تذهلين الخيزران بسمـح قـدّك واعوجاجـه
تسلبيـن الريـم فزّاتـه ولفتاتـه وجـيـده
تشبهين الما ولا انتي الما ولو فيك ارتجاجـه
لا تشاقى طفل يلمس صفحته باصابـع ايـده
لا تزمّي الورد في ثغرك ويتعكّـر مزاجـه
من غواية شاعر ماانتـي بطفلتـه الوحيـده
واغفري للشاعر المتلعثم ذنـوب انحراجـه
والله ان الجرح الاوّل لكن الطعنـه جديـده
شاعرك ماخاف جرحه ما يخاف الاّعلاجـه
لايريد اللي يقـول ولا يقـول اللـي يريـده
ما دخل في سوق الا بعد مايعرف خراجـه
والنخل ساسه تحت الاقدام وعذوقـه بعيـده
ما علينا كلما اشتـد البـلا قـرب انفراجـه
طعنـة ماتذبـح الـرجـال يا(نوره)تفـيـده
بعض ما فيني كتبته وان بقى في القلب حاجه
لك علىالخاطر كلام ولك على بالي قصيـده