السحاب(الساري) 11-16-2016 01:12 AM الجــزء(2)من رواية(غزو المخدرات لثانوية البنات)   الجــــــــــــــــزء(2) من روايــــــــــــــــة (غزو المخدرات لثانويات البنات) منسيه / خلاص الله يحييكن البيت بيتكن وتوصل مرعيه وعفريه ويتبادلن الحديث فيما بينهن الا ان عفريه ماهي معهن لاهيه بالاب توب شوي تبكي وشوي تضحك مما لفت انتباه مرعيه وتنادي بصوت عالي ياعفريه. عفريه / نعم حبيبتي مرعيه ويش فيك صرختي عليّه كذا.. مرعيه / احنا جايين نذاكر هنا ويش فيك انتي كل شويه عيونك باللاب توب تضحكين وتبكين.. عفريه / كنت مع حبيبي على الإيميل وكان زعلان عليه شويه والحمد لله انه رضي عليه. منسيه / ويش فيكن طالعه اصواتكن يالله انا احضرت العصير يالله اشربوه على رواقه وخلونا نبدأ المذاكره.. ابو كعبول / يتصل على ابو جلجول تررررن..تررررن..تررررن.. ابو جلجول / هلا والله براعي المشاريع ويش محضّر لنا اليوم عطنا اللي عندك.. ابو كعبول / انت نسيت ان موعدنا اليوم مع زميلي اللي يبي يأمنّا بالمخدرات يالله خليك جاهز ابجي آخذك نروح للإستراحه قبل مايروح موعده ويتفشكل المشروع... ابو جلجول / لا..لا...لا....الله يخليك كل شئ الا هالمشروع ان ضاع من يدينا احنا ضعنا يالله انا جاهز.. ابو كعبول / بسرعه يجي وياخذ ابو جلجول وعلى الإستراحه... ويحكرون الشاي والقهوه استقبالاً.. للرأس الكبير(مدبول) شوي ويرن جوال ابوكعبول ..تررررن...تررررن...تررررن.. ويرد ابو كعبول أهلين بالسيد مدبول. مدبول / افتح الباب يابو كعبول ابدخّل السياره من داخل من شان مايشوفني أحد.. ابو كعبول / أبشر ياطويل العمر ويفتح الباب ويوصل مدبول ياهلا والله برفيقي مدبول اسفرت وانورت. تفضل القهوه جاهزه وكلنا جاهزين بانتظارك.. مدبول / يسأل ابو كعبول مين هذا اللي جالس معك هذا شكله مايعرف عن الدنيا شئ.. ابو كعبول / هههههه..لا..ولا يهمك هذا رفيقي وعضيدي الأيمن بكل شغله وانا أخترته على شان صدقه وامانته. مدبول / اسمعني زين يابو كعبول هذي بضاعتك جاهزه وبعد عشرة ايام اجي آخذ قيمتها وانتبهوا لانفسكم وان حصل شئ لاأعرفكم ولا تعرفوني..يالله في أمان الله.. ابو كعبول / وانت بحفظ الرحمن يامدبول والله يستر عليك.. ابو جلجول / عزالله ان رفيقك مدبول صدق ويش هالجسم ضخم وطويل فعلاً مدبول ويش هالكراتين المصفوفه يابو كعبول ويش اللي بوسطها..تراني مادري عن شئ. ابو كعبول /ههههههه..اسمع خلينا نفرزها أول وأقول لك عنهن.. ويقومون بفرزها إسمع يابو جلجول هذا النوع بالكرتون حشيش وهذا الكرتون خمر(ويسكي) هذا لأصحاب الطرب اللي يجون لنا كل ليله بالإسبوع هذا نبيعه عليهم لأنه هو الدارج عندهم سمعتني زين.. ابو جلجول / سمعتك زين لكن الأكياس الصغيره هذي ويش هي.. ابو كعبول / هااااااااهـ .هذي ياحبيبي حبوب الكبتاجون هذي منبهه يستعملونها الشباب الصفار من المرحله المتوسطه والثانوي والجامعه على شان تساعدهم على الإمتحانات ولازم نتعرف على الأقل على اثنين من الشباب يوزعون لنا هذه الحبوب... ابو جلجول / طيب كيف نتعرف وشلون من وين نحصلهم هالشباب.. ابو كعبول / انا اقول لك كيف تحصلهم ..تاخذ سيارتي وتروح عند احدى مدارس الثانويات للبنات وتبي تحصلهم عند ابواب المدارس اللي جاي يغازل واللي جاي ياخذ اخته من المدرسه شوف لك سياره وفيها اثنين من اللي يغازلون واعرف لي السياره واترك الباقي عليّه.. ابو جلجول / ابشر ولا يهمك يالله انا رايح وماني راجع لمّك الا بالخبر الأكيد.. ويروح ابو جلجول وتقع عينه على اثنين من الشباب..وهنا مربط الفرس.ويرجع لأبو كعبول.. ابو كعبول / هااااهـ يابوجلجول سبع والا ضبع.. ابو جلجول / والله ياشفت لك شوفه اثنين من الشباب هم اللي يصلحون وبعدين تقول مامهم شباب استغفر الله تقول هذولي بنات.. ابو كعبول / بس هذا المطلوب وأكتمل المشروع يابو جلجول لأن خطتي الثانيه بعد الشباب ترويج المخدرات لثانويات البنات عن طري الشباب... ابو جلجول / طيب كيف نجيب هالشباب..وشلون نتعرف عليهم.. ابو كعبول / ماعليك انت اركب معي ووريني هالشباب اللي تقول عنهم...ويركب ابو جلجول ويتوجهون على الثانويات. ابو جلجول / شوف..شوف..يابو كعبول السياره اللي قدامنا هذولا الشباب اللي قلت لك عنهم اعرفهم بلوحة السياره. ابو كعبول / يقود السياره بسرعه ويخبط بسيارة الشباب من الخلف..وينزلون من السياره ماعليش ياشباب انا آسف والله مانتبهت وانا عارف ان الخطأ عليه .. زلزال / أي ابو آسف انت اعمى ماتشوف شوف أعدمت سيارتي من الخلف.. ابو كعبول / ياأخي انا مستعد باللي تبي انا اباصلحها على حسابي ويش تبي اكثر من كذا.. زلزال / اذا على كذا اتفقنا بس من وين ورقة مرور انا مامعي رخصه واذا جاء المرور حجزني.. ابو كعبول / ماعليك انا اقوم لك بالواجب في كل شئ..وقال هذه الأبيات.. انا ابو كعبول يازلزال .........ماهو على كيفك تمشيّني ارسلت لك صاحبي مرسال .....عضيدي وهو اللي يواسيني زلزال / كيف نسوي هالحين ماعرفتني على اسمك.. ابو كعبول / انا ابو كعبول و هذا اللي معي زميلي ابو جلجول ..بس انت ماعرفتني على اسمك.. زلزال / انا زلزال وهذا اللي معي زميلي مدهال.. ابو كعبول / والنعم بالأثنين ..يالله خليك قدامي للورشه على شان نشوف كم تكلف السياره ويكون خير.. مرعيه / مشاء الله عليك ياعفريه تحبين ماقلتي لنا من هو سعيد الحظ اللي معك... عفريه / هذا واحد تعرفت عليه عند باب الثانويه شاب وسيم بمعنى الكلمه وأموت فيه وهو بعد يموت فيني. منسيه / خلوني اشارككم بالحديث ويش تحكون عنه؟؟؟انتهى الجزء. اعطونا توقعاتكم للجزء القادم. لغز الجزء (2) فنان عربي مشهور على الساحه الفنيه يتكون اسمه من (10) حروف فمن هو؟ 3 - 6 - 5 - 4 = عكس نور. 7 - 2 - 9 - 10 = له هيبه عند اصحاب السيارات. 1 - 6 - 8 - 4 = بمعنى حكي. يالله شدوا حيلكم وموفقين. حقوق الطبع محفوظه للسحاب(الساري)

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2025 DragonByte Technologies Ltd.

Security team

mamnoa 4.0 by DAHOM