منتديات تراتيل شاعر - طريقة رسم العيون بالآى لاينر

بداية الآى لاينر
هو الوسيلة السحرية اللى بتبين شكل العيون
وبتعملها جاذبية
خاصة لو رسمناه صح
فى المقال ده هتعرفى الرسمة المناسبة
لشكل عيونك وكمان انواع الآى لاينر
قبل اى كلام لازم نعرف ان اختيار الآى لاينر او قلم الكحل الجاف لازم يكون من ماركة معروفة وجودته عالية عشان ماتتعرضيش لمشاكل ان الكحل يسيح ويلطخ العين
اولا: انواع العيون
العيون الضيقة: اصحاب العيون الضيقة لاااازم يبعدو عن الكحل الاسود داخل العين لانه هيضيقها اكتر وانسب رسمة ليهم خط ايلاينر رفيع فوق خط الرموش العلوى وتمده للخارج بسييطولو حابة تحط كحل جوا العين ممكن كحل ابيض او سيلفر

http://forum.hwaml.com/imgcache2/hwa...109436_846.jpg http://forum.hwaml.com/imgcache2/hwa...109436_462.jpg
العيون المتباعدة: فى بنات عيونهم بتكون بعيدة عن بعض شوية
الميك اب المناسب ليها انك تبدأى رسمة الايلاينر من الزاوية الداخلية للعين يعنى (مكان مدمع العين) الحركة دي بتدى ايحاء انها اقرب لبعض اصحاب العيون دى ما يستعملوش لون ابيض فى الزاوية الداخلية للعين نهائي
http://forum.hwaml.com/imgcache2/hwa...109436_349.png
العيون المتقاربة: دى عكس المتباعدة تماما اهم حاجة مانبدأش الايلاينر من الزاوية الداخلية للعين نحاول نبعد عنها ونسحب الاىلاينر شوية خارج العين ونستخدم الهايلايت الفاتح فى الزاوية الداخلية
العيون الواسعة الجاحظة: مهو تحتاج رسم خط ايلاينر حاد فوق العين ده بيدي ايحاء بالجحوظ اكثر والافضل انها تستعمل اى شادو اسود او ترسم الكحل فوق عيونها وتسيحه شوية بحيث ان فوق عيونها يبقى غامق واحساس الجحوظ يقل وممكن بعد كده ترسم خط كحل رفيع وخفيف على خط الرموش او ممكن ترسم خط كحل عريض فوق العيون وكمان تستعمل الكحل الاسود داخل العين عشان نقلل من وسعها شوية

http://forum.hwaml.com/imgcache2/hwa...109436_737.png
http://forum.hwaml.com/imgcache2/hwa...109436_901.jpg
العيون اللوزية: ودى بتكون عيون مسحوبة وواسعة فى نفس الوقت وبتناسبها اى رسمة تحبيها
http://forum.hwaml.com/imgcache2/hwa...109436_176.jpg
العيون العميقة او الغائرة :انسب رسمة ايلاينر ليها انه يكون من رفيع لمتوسط مسحوب من اخر العين للخارج ويستحسن نبعد عن الخط العريض لانه يظهر العين غائرة اكثر كمان الخط لازم يكون رفيع من داخل العين واعرض فى سحبة اخر العين زى الصورة

http://forum.hwaml.com/imgcache2/hwa...109435_765.jpg
العيون الدائرية: دى بتكون واسعة ومستديرة وانسب رسمة ليها هى ال winged eyeliner او رسمة عيون القطة يعنى نرسم خط ايلاينر او كحل عريض فوق العين ونسحبه للخارج ويكون مرفوع او ممكن نرسم خط عريض فوق العين ونكتفى بسحبة بسيطة للخارج

http://forum.hwaml.com/imgcache2/hwa...109436_924.jpg
http://forum.hwaml.com/imgcache2/hwa...109436_705.jpg
بعد ماعرفنا رسمة الايلاينر اللى تناسب كل عين هنعرف دلوقتى انواع الايلاينر
فى 3 انواع ايلاينر السائل والجل والديبلاينر.. النوع السائل مع كتر الاستخدام تتعودى عليه بسهولة لكن لو انتى مبتدئة يفضل تستخدمى النوع الجل او الديبلاينر لانه بيكون سهل تتحكمى فى الفرشاة اكثر
النوع السائل: فرشته بتكون رفيعة جدا و لينة ( او طرية) وفى البداية مهو سهل تتحكمى فيها
http://forum.hwaml.com/imgcache2/hwa...109436_907.jpg
النوع الجل: بيكون فى علبة ومعاه فرشاة خاصة بيه واسهل من النوع السائل والفرشاة بتكون عريضة
http://forum.hwaml.com/imgcache2/hwa...109435_746.jpg
الديبلاينر:سهل جدا تتحكمى فيه لأن الفرشاه بتاعته سميكة مش رفيعة زى فرشاة النوع السائل ومش لينة (زى اقلام الفلوماستر)
http://forum.hwaml.com/imgcache2/hwa...109436_144.jpg
شوية نصايح:
عشان ترسمى خط الايلاينر مظبوط للمبتدئين شدى جفن عيونك بصوابعك
ارسمى الاول خط بقلم الكحل العادى خفيف وبعدين امشى عليه بالايلاينر الرسمة تتظبط والفراغات تتملى
ممكن تستخدمى كارت او تذكرة مترو اى ورق مقوى او حتى بلاستر طبى عشان ترسمى سحبة الايلاينر خارج العين
http://forum.hwaml.com/imgcache2/hwa...109436_105.jpghttp://forum.hwaml.com/imgcache2/hwa...109435_109.jpg
لو جزء من الرسمة خرب منك ماتمسحين عنيك كلها استعملى قطن تنظيف الاذن بليه بالمايه وامسحى الجزء اللى خرب
http://forum.hwaml.com/imgcache2/hwa...109436_872.png
الايلاينر او الكحل مع التعود على رسمه تبقى محترفة جربى اكثر من رسمة لعيونك واكثر من طريقة عشان الرسمة تطلع مظبوطة