منتديات تراتيل شاعر - إنتظرتك .. عمري كله .. وإبتديتك

منتديات تراتيل شاعر (http://tra-sh.com/vb/index.php)

- هذيان الروح ▪● (http://tra-sh.com/vb/forumdisplay.php?f=7)

- - إنتظرتك .. عمري كله .. وإبتديتك (http://tra-sh.com/vb/showthread.php?t=189593)

إنتظرتك .. عمري كله .. وإبتديتك

إنتظرتك ..
عمري كله .. وإبتديتك
خطوه تاخذني لعندك .. وأنتهي لك
من شعور لك ملكني ..
كل ماتطري في بالي ...
وماسألتك ..!!
من تكون ..؟؟
وكيف تعشقك العيون ..!!
عشق ما يعرف حدود .. ولاسكون
إيه أحبك ..
وأسرج خيول الهيام ..
أتبعك في كل دربك ..
وأتسابق مع خيال الشوق يمك ..
وأختلي بك ...
تحضنك عذراء عيوني في خجلها ..
تستبيحك..!!
حلم غارق .. لادمعتك .. ولابكيتك
بس أضمك ..
في محجر الشوق .. ألمك
ويختلط فيها بياضك مع ظلام فيه سهرتك ..
وأرتحل بك ...!!
طيف يسرقني بـ ليله..
يسري بي لذاك المكان ..!!
وفي يدي غصن الأمان..
وإنتظرتك..
إنتظرتك...
إنتظرتك...
بين رجفه في خفوقي ..
وإشتياقي لك وخوفي..
وبين نسمه من هبوبك ..
تاخذني لشوفه طيوفك..
ألتقي بك...
وينتشي قلبي بعطرك ..
وأرتوي بك ..
من غدير الشعر حرفك ..
يغرف بحوره .. وأجيلك
عند بيتك..!!
أركن حمول الزمان ..
وألقى نفسي .. ولا لقيتك
بس هويتك ..!!
ياغلا ياخذ كياني من مكاني ...
وأرتمي لك..
ترسم البسمه فـ عيني ..
وفي عيونك ألتقيني ..
ضحكه غابت عن شفاتي ..
وإرجعت بك تحتويني ...
إيه أحبك ..
وأعشق ترابك بعمري .. وأندفن بك ..وأضمك
إيه أحبك..
وأنثر ورودك بقبري.. وأتعطر بك ..وأشمك
إيه أحبك ...
والشعور اللي ملكني دوم قربك ...
وماسألتك..!!
من تكون ..؟؟
وكيف تعشقك العيون ..!!!
ومن أنا ..؟؟
لاوهبتك عمري كله .. وأنتحر بك
وماإنتظرتك ...
بس أحبك..!